Hindi Newsmujaffaranagar Mein Aman Ki Bhi Misaal

India »

Hindi Newsmujaffaranagar Mein Aman Ki Bhi Misaal

Prem Dave sharma . Meerut saanpradaayikta ki aag mein jhulas rahe 22 lakh ki aabaadi vaale janapad mujaffaranagar mein aaj bhi do gaanv aise hain jinhonne nafarat ke sholon ko apne gaanv mein ghusne ki ijaajat hi naheen di. Janapad mein hinsa failane ki khabar milte hi in gaanvon ke bujurgon ne hinsa ko kisi bhi shart par bardaasht na karne ki baat kahi jise gaanv ke baaki logon ne bhi maana. Isi ke dam par jile ke 1,025 gaanvon mein se ye do gaanv sabse alag misaal de rahe hain. Gaanv ke logon ko apni is upalabdhi par naaj hai. Gaurtalab hai ki 14 dinon se poora mujaffaranagar janapad saanpradaayikta ki aag mein jal raha hai. Nafarat ki aag mein kareeb teen darjan log apni jaan ganva chuke hain. Aise maahaul mein aman ka sandesh dene vaale ye do gaanv hain - mujaffaranagar shahar se 11 kimi door ghaaseepura aur shaahapur kshetr ka harasauli. Khabar lagte hi baithaai panchaayat jaise hi hinsa ki khabar ghaaseepura mein pahanuchi, gaanv ke 80 varsheeya bujurg devaraaj Singh ne gaanvavaalon ko ghar par buulaakar panchaayat ki. Ismein sabhi jaati dharm ke log shaamil hue. Faisala liya gaya ki chaahe kuchh bhi ho jaae gaanv mein aman shaanti banaae rakhi jaaegi. Agar gaanv ka koi shakhs hinsa mein shaamil paaya jaaega to khud gaanv ke log use police ke havaale kar deinge aur gaanv ka koi vyakti usaki jamaanat bhi naheen lega. Saadhe chaar hajaar ki aabaadi vaale is gaanv ne apni panchaayat ke faisale ko sir aankhon par liya aur aaj parinaam saamane hai. Gaanv ke ramesh bataate hain ki ve gaanv ke bujurgon ka sammaan karte hain. Unki baat maanane ke kaaran hi aaj hamaare gaanv mein aman chain hai. Sabhi log apne kaam dhandhon mein lage hain. Isse unke parivaar ko bhi kisi tarah ki kathinaai ka saamana naheen karna pada hai. 1947 mein bhi bana tha shaanti ka prateekadoosara gaanv hai harasauli. Yahaan bhi sabhi jaati dharm ke log rahate hain. Hinsa ki khabar par gaanv ke bujurg thaanbedaar chaudhari tape Singh ke ghar par panchaayat hui. Chaudhari ne logon ko bataaya ki 1947 ke gadar mein bhi unka gaanv shaanti ka prateek bana raha tha isliye ab bhi ham gaanv ko kalankit naheen hone deinge. Chaudhari ki baat par poore gaanv ke logon ne muhar laga di. Poore janapad mein hinsa ka maahaul hone ke baavajood aaj bhi gaanv mein roj ki tarah halachal hai. Baajaar khule hain. Koi bhi afavaahon par dhyaan naheen de raha. Donon gaanv ke log apni is upalabdhi par khush hain.

Hindi Newsmujaffaranagar Mein Aman Ki Bhi Misaal https://www.angrejinews.com/pic/260824