Hindi Newsmodi Par Sangh-BJP Ki Aham Baithak Aaj

India »

Hindi Newsmodi Par Sangh-BJP Ki Aham Baithak Aaj

Vishesh samvaadadaata . Nai Delhi Gujarat ke mukhyamantri Narendra Modi ko mission 2014 ke liye PM pad ka daavedaar ghoshit karne ke liye BJP mein sarvasammati banaane ki koshishein ravivaar ko bhi jaari raheen. Maana ja raha hai ki is maamale mein somvaar ko final faisala kiya jaaega ki Modi ko kab PM pad ka ummeedavaar ghoshit kiya jaae. Is masale par BJP ke diggaj Lal Krishna Advani aur Sushma Swaraj ko manaane ki koshishon ke tahat hi RSS pramukh mohan Bhagwat ne alag se in donon netaaon se mulaakaat bhi ki. Is beech sangh parivaar ke sangathanon aur BJP ke beech do divseeya koordineshan baithak bhi ravivaar se shuroo ho gayi hai. Maana ja raha hai ki somvaar ko isi baithak mein Modi ke naam ki ghoshana ki taareekh tay ki ja sakti hai. Gaurtalab hai ki RSS ne pehle hi BJP ko sanket de diya hai ki Modi ka naam mission 2014 ke liye final hai. Ab sangh sirf is baat par sahamati banaane ki koshish mein hai ki jald se jald Modi ke naam ka ailaan kar diya jaae. Daraasal, Modi ka virodh kar rahe Advani kheme ka maanana hai ki Modi ke naam ka ailaan paanch raajyon ke vidhaanasabha chunaavon ke baad hi kiya jaae. Unka tark hai ki agar Modi ka naam pehle ghoshit kiya gaya to in paanch raajyon ke vidhaanasabha chunaav mein BJP ko nuksaan ho sakta hai. Isi tark ke aadhaar par yeh khema chaahata hai ki filhaal Modi ke naam ka ailaan thande baste mein daala jaae. Par RSS iske liye taiyaar naheen hai. Sangh ko lagta hai ki Modi ke naam ki ghoshana mein deri se nuksaan hoga, kyonki isse yeh sandesh ja raha hai ki Modi ke naam par hi BJP mein matabhed hain. Is beech Delhi mein ravivaar ko hui sangh parivaar ke sangathanon aur BJP ki koordineshan baithak mein RSS ke senior neta bhaiya ji Joshi, indresh Kumar, Ram maadhav samet 25 netaaon ne aur BJP ki or se lagbhag darjan bhar neta shaamil the. Inmein Advani aur Sushma ke alaava Modi bhi shaamil the. Inke alaava sangh parivaar ke anya sangathanon ke neta bhi shaamil the. Inmein praveen togadiya bhi hain. Is baithak mein chunaavi rananeeti par vichaar kiya gaya aur sangh parivaar ke sangathanon ko bataaya gaya ki ve kis tarah se chunaav mein BJP ki madad kar sakte hain. Yeh baithak somvaar ko bhi jaari rahegi. Somvaar ko choonki is baithak mein RSS cheef mohan Bhagwat bhi honge, aise mein somvaar ko is baat par vichaar kiya jaaega ki Modi ko PM pad ke daavedaar ke roop mein kab ghoshana ki jaae. Sangh ki koshish hai ki pitru paksh se pehle hi Modi ke naam ka ailaan kar diya jaae.

Hindi Newsmodi Par Sangh-BJP Ki Aham Baithak Aaj https://www.angrejinews.com/pic/260823