Hindi Newslokasabha Mein 22 Seatein Deejiye, 24 Ghante Mein Karnataka Mein Banaaenge Sarkaar Yediyurappa

India »

Hindi Newslokasabha Mein 22 Seatein Deejiye, 24 Ghante Mein Karnataka Mein Banaaenge Sarkaar Yediyurappa

Bengaluru Loksabha chunaav ki taareekhon ke ailaan ke saath hi netaaon ki bayaanbaaji aur daavon ka silsila tej ho gaya hai. Lambe samay tak siyaasi naatak ka kendra rahe Karnataka mein pradesh BJP adhyaksh aur poorv CM BS yediyurappa ke ek daave ne nai siyaasi sugabugaahat chhed di hai. Ek kaaryakram ke dauraan yediyurappa ne aagaami Loksabha chunaav mein BJP ko jyaada se jyaada seaton par jeet dilaane ki appeal karte hue kaha, 'Agar aane vaale Loksabha chunaavon ke dauraan Karnataka ki janta hamein 22 seatein deti hai to agale 24 ghante ke andar ham Karnataka mein apni sarkaar bana leinge. ' Pichhle maheene hi Pakistan mein ghuskar bhaarateeya vaayusena ki air strike par yediyurappa ne kaha tha, 'Dinon-din BJP ke paksh mein lahar banti ja rahi hai. Pakistan ke bheetar ghuskar aatanki kainpon ko barbaad karne ke kadam se desh mein PM Modi ke samarthan mein lahar bani hai aur iska nateeja aagaami Loksabha chunaav mein najar aa sakta hai. ' Chitradurg mein unhonne kaha tha, 'Isne naujavaanon mein josh bhar diya hai. Isse hamein (Karnataka mein) Loksabha ki 22 se jyaada seatein jeetne mein madad milegi. ' yediyurappa ke is bayaan ko Karnataka Congress ne sharmanaak aur gair-jimmedaaraana bataaya tha. Loksabha chunaav ka vistrut kaaryakram Bata dein ki Karnataka mein Loksabha ki 28 seatein hain. Yahaan 18 April aur 23 April ko do charanon mein 14-14 Loksabha seaton par vote daale jaaenge. 2014 ke Loksabha chunaav mein BJP ko 16, Congress ko 10 aur jedeees ko 2 seaton par jeet haasil hui thi.

Hindi Newslokasabha Mein 22 Seatein Deejiye, 24 Ghante Mein Karnataka Mein Banaaenge Sarkaar Yediyurappa https://www.angrejinews.com/pic/260903