Hindi Newsjajbaat Mein Hi Naheen, Ab Course Mein Bhi Hoga Love

India »

Hindi Newsjajbaat Mein Hi Naheen, Ab Course Mein Bhi Hoga Love

Bhaasha . Nai Delhi pyaar karne vaalon ya iski chaahat rakhane vaalon ke liye khushakhabari hai. Ab unhein university leval par hi pyaar ke maayane seekhane, samajhne ka mauka mil sakega. Kolkata mein presideinsi university mein ab pyaar bhi course mein shaamil ho gaya hai. Hyoomainiteej aur science ke students ke liye ab love course ka bhi vikalp hai. Haalaanki love ke saath-saath digital hyoomainiteej aur the fijiks of evareede life course bhi honge. Ye teenon hi vaikalpik honge. Ho sakta hai ki grejueshan kar rahe jyaadaatar students ke liye love hi pehla vaikalpik silebas ho. English aur filausafi dipaartameint ke parisar mein ab tak pyaar ka vishay raha hi hai, ab pehli baar kisi Indian university mein saamaajik vigyaan vibhaag mein bhi yeh ek vishay ke taur par shaamil hoga. Isse pehle keval America ke maisaachoosits university mein grejueshan leval ke karikulam mein soshiyaulaji of love padhaaya jaata hai. Presideinsi university ke saamaajik vigyaan vibhaag ki sthaapana mein aham bhoomika nibhaane vaale professor E. Prashaant rai ne bataaya ki love course chhaatron ka dhyaan kheenchata raha hai. Haalaanki necharal science ke chhaatron ko yeh foundation course ke taur par padhaaya jaaega jo chhaatron ko pyaar ke prati samvedansheel bhi banaaega. Rai ko ummeed hai ki love course ke tahat vah romance ke taur par pyaar se lekar udyog ke taur par pyaar tak kai pahaluon ko kavar kar sakeinge. Desh mein ab se pehle tak yeh course mein kaheen bhi naheen raha. Delhi university aur javaaharalaal Nehru university ke do pramukh saamaajik vigyaan vibhaagon mein bhaavanaaon ki shiksha naheen di jaati. Pyaar ek mahatvapoorn bhaavana hoti hai. Love silebas ki peshakash doosare semestar se ki ja sakti hai aur kaha ja raha hai ki shaayad presideinsi university mein saamaajik vigyaan vibhaag ke asisteint lekcharar upal chakravarti chhaatron ko yeh silebas padhaaenge. Chakravarti ne kaha ki bollywood ki filmon se lekar bhakti saahitya tak, naari adhikaaravaadi aalochakon se lekar sanrachanaavaadi nibandhon tak, soofi sangeet se lekar shaastreeya aur samakaaleen darshan tak, yeh silebas pyaar ko ek mahatvapoorn saamaajik dhaanche mein rakhane ki koshish karega. Delhi mein rahane vaale samaaj vigyaani aur jaamiya miliya islaamiya university mein saamaajik vigyaan padhaane vaale nishaat kaisar ke anusaar, yeh paathyakram gair paramparaagat naheen hoga, bas ise sahi tareeke se samajhne ki jaroorat hai.

Hindi Newsjajbaat Mein Hi Naheen, Ab Course Mein Bhi Hoga Love https://www.angrejinews.com/pic/260837