Hindi Newsgeet Govind Gaane Vaalo Pan Raghunaath Paanigrahi Ka Nidhan

India »

Hindi Newsgeet Govind Gaane Vaalo Pan Raghunaath Paanigrahi Ka Nidhan

Bhuvaneshvar. . Jayadev ke geet govind gaane ke liye vishesh taur par prasiddhi paane vaale shaastreeya sangeet gaayak evam sangeet nirdeshak pandit raghunaath paanigrahi ka ravivaar ko yahaan unke nivaas par dil ka daura padne se nidhan ho gaya. Vah 79 varsh ke the. Sootron ne bataaya ki pandit paanigrahi ko kuchh hi maah pehle gale ke Cancer se peedit hone ki baat pata chali thi thi. Unhein ravivaar ko din mein saadhe gyaarah baje dil ka daura pada aur uske baad unhein ek aspataal le jaane par mrut ghoshit kar diya gaya. Odisi sangeet ke prakhyaat sangeetakaar paanigraahi ne 10 August ko 79veen varshagaanth manaai thi. Pandit paanigrahi ke do putr hain. Unki patni sanyukta paanigrahi prakhyaat odiya nrutyaangana thi. Unka nidhan 1997 mein hua tha. Pandit paanigrahi ne jayadev ke geet govind ko na keval raajya balki duniya bhar mein lokapriya banaane mein vishesh prayaas kiye the. Unhein 1970 ke dashak mein fraanseesi sarkaar ne sammaanit kiya tha. Unhein 2010 mein padmashri se sammaanit kiya gaya. Orissa ke raajyapaal SC jameer tatha mukhyamantri naveen patanaayak ne pandit paanigrahi ke nidhan par shok vyakt kiya hai.

Hindi Newsgeet Govind Gaane Vaalo Pan Raghunaath Paanigrahi Ka Nidhan https://www.angrejinews.com/pic/260838