Hindi Newsdanga Peediton Ke Jakhmon Par Sarkaari Naukri Ka Maraham

India »

Hindi Newsdanga Peediton Ke Jakhmon Par Sarkaari Naukri Ka Maraham

Prem Dave sharma . Meerut bees dinon se nafarat ki aag mein jhulas rahe mujaffaranagar ka haal jaanane mukhyamantri Akhilesh Yadav ravivaar ko vahaan pahunche. Peedit logon ke jakhmon par maraham lagaane ki koshish karte hue unhonne mrutakon ke parivaar ke ek sadasya ko sarkaari naukri dene ki ghoshana ki. Saath hi dangon mein toote makaanon ki ripeyaring ke liye bhi aarthik madad dene ki baat kahi. Unhonne kaha ki hinsa ki jaanch ke liye kamishn baitha diya gaya hai. Jinhonne bhi hinsa ko bhadkaane ka kaam kiya hai, ve kitne bhi prabhaavashaali kyon na hon? Unhein saja di jaaegi. Mukhyamantri ne donon pakshon ke bujurgon se aage aakar shaanti ka maahaul kaayam karne mein sahayog dene ki appeal bhi ki. Janapad ke gaanvon ka daura karne ke baad mukhyamantri ne mujaffaranagar police lines mein media se baat ki. Unhonne kaha ki janapad ke graameen kshetr mein bhaari nuksaan hua hai. Donon pakshon ke beech jo nafarat ki khaai ban gayi hai, use jald se jald paatane ki jaroorat hai. Raajaneeti ke kaaran hi is ilaake ko hinsa jhelni padi hai. Jila prashaasan ko hinsa se nibatne ke liye poori chhoot di gayi thi. Iske baavajood bade paimaane par hinsa hui hai. Prashaasan se kahaan chook hui, iski bhi padtaal ki jaaegi. Doshi karmachaariyon va adhikaariyon ko bhi bakhsha naheen jaaega. Unhonne peediton se nidr hokar FIR darj karaane ki appeal ki. Dikhaae kaale jhande : Hinsa peediton ka haal jaanane pahunche Akhilesh ko mujaffaranagar ke graameen ilaakon mein kai jagahon par logon ke virodh ka saamana bhi karna pada. Logon ne mukhyamantri aur SP supreemo mulaayam Singh ke virodh mein naare lagaae. Kaandhala mane naaraaj logaane ne kaala jhanda dikhaakar apne gusse ka ijahaar kiya. Patrakaar ke ghar bhi gaye : Mukhyamantri hinsa ki coverage ke dauraan goli lagne se maare gaye patrakaar raajesh varma ke mujaffaranagar sthit ghar bhi gaye aur unke parijanon ko dhaadhas bandhaaya. Baad mein unhonne kaha ki mediakarmi ke parivaar ko 15 lakh rupaye ka muaavaja aur ghar ke ek sadasya ko sarkaari naukri di jaaegi. Kavaal se shuruaat : Ravivaar subah kareeb 11 baje kavaal gaanv pahanuche. 27 August ko isi gaanv mein chhedchhaad ki ghatna ko lekar teen log maut ke ghaat utaare gaye the. Usi ke baad se jila hinsa ki aag mane jal utha tha.

Hindi Newsdanga Peediton Ke Jakhmon Par Sarkaari Naukri Ka Maraham https://www.angrejinews.com/pic/260828