Himachal Sarkaar Ne Baba Raamadev Se Jameen Vaapas Li

Breaking » Friday, February 22, 2013

Shimla: Himachal pradesh sarkaar ne teji se kaarravaai karte hue shukravaar ko yogaguru Baba raamadev ko varsh 2010 mein aavantit jameen apne kabje mein le li. Tatkaaleen bhaarateeya janta party (bhaajapa) sarkaar ne Baba ko patanjali yogapeeth ki shaakha sthaapit karne ke liye aavantit ki thi. Upaayukt meera mohanti ne bataaya, "Sarkaar ne Baba raamadev ko aavantit jameen apne kabje mein le li hai. " Mukhyamantri ki adhyakshata mein mangalvaar ko hui cabinet ki baithak mein Baba raamadev ke naam 96.3 beegha bhoomi ka aavantan radd karne ka nirnaya liya gaya tha. Yah bhoomi solan jile mein saadhupul ke nikat hai. Aavantan mein kaanooni praavadhaanon ke ullanghan hone ki baat kahi gayi hai. Yah bhoomi mool roop se tatkaaleen paatiyaala raajagharaane ki hai. Punjab ke poorv mukhyamantri captain amarindar Singh isi raajagharaane ke hain. Jameen kabja mein lene waali team mein shaamil ek adhikaari ne bataaya ki Baba raamadev trast dvaara banaai gayi imaarat ko khaali karaakar ise sarkaar ke havaale kar diya gaya hai. Bhaajapa sarkaar ne yah jameen yogaguru ko ekamusht 17 lakh rupaye ki adaayagi par 99 varsh ke liye di thi. Bhaarat svaabhimaan trast ke raajya prabhaari lakshmi datt sharma ne bataaya, "Humne apne kabje ki poori sampatti sarkaar ko saunp di hai. " unhonne bataaya ki Baba raamadev 27 February ko solan jile ki yaatra karne vaale hain. Ve yahaan apne nirdhaarit tithi ke anusaar hi pahunch rahe hain. Unki sabha ka sthal ab nirdhaarit kiya jaaega. " Sarkaar ne guruvaar ko kaha tha ki Baba raamadev ke raajya mein pravesh par koi pratibandh naheen hai.