Himachal Ke Chanba Mein Sadak Haadasa, 12 Ki Maut

Breaking »

Himachal Ke Chanba Mein Sadak Haadasa, 12 Ki Maut

Shimla. . Himachal pradesh ke chanba jile mein ek gaadi ke 700 meter gahari khaai mein gir jaane se 12 logon ki maut ho gayi. Marne vaalon mein kuchh bachche bhi shaamil hain. Police ne somvaar ko bataaya ki gaadi mein savaar log cricket match khelkar apne gaanv vaapas ja rahe the. Police adheekshak bi. M sharma ne bataaya ki durghatana ravivaar raat hui. Sabhi mrutak 11 se 25 varsh ki umr ke the jinki maut ghatnaasthal par hi ho gayi. Ghatnaasthal se mrutakon ke shav somvaar ko baraamad kiye ja chuke hain. Sharma ne bataaya ki durghatana chanba jila mukhyaalaya se 80 kilometer door kuthaar ke paas hui. Gaadi savaar bhaaramaur ke badgraam panchaayat ke gaanvon mein rahane vaale the. Durghatana ke kaaranon ka pata naheen chal paaya hai. Pratyakshadarshiyon ne bataaya ki police ko khaai se mrutakon ke shav nikaalne mein kaafi mashakkat karni padi. Chanba jila Himachal pradesh ke doorasth ilaakon mein se ek hai jahaan aksar yaatri bason ki kami ke chalte jyaadaatar gaadiyon mein kshamata se jyaada savaariyaan bhari hoti hain.

Himachal Ke Chanba Mein Sadak Haadasa, 12 Ki Maut https://www.angrejinews.com/pic/5612