Hillary Clinton Ko Prati Bhaashan Mileinge Do Lakh Dollar

Breaking »

Hillary Clinton Ko Prati Bhaashan Mileinge Do Lakh Dollar

Washington: Poorv ameriki videshamantri Hillary Clinton ne apni vaakpatuta ka faayda uthaate hue bhaashan sambandhi anubandh kiya hai, jiske tahat vah apne har bhaashan ke liye 200,000 dollar leingi. Videshamantri rahate hue saalabhar mein unki jo tanakhvaah thi, yah usase bhi adhik hai. Isi maheene ke shuroo mein videshamantri ke pad se avakaash grahan karne waali 65 varsheeya Hillary ko prati bhaashan, jo rakam milne waali hai vah unke videsh mantri ke pad par rahate hue har varsh milne waali ek lakh 86 hajaar ki tanakhvaah se kaheen adhik hai. Bajafeed ne khabar di hai, ab vah videsh mantri ke pad se avakaash grahan chuki hai, lekin unhein dhan ke liye maathaapachchi naheen karna hoga. Sthiti se vaakif sootr ke anusaar, unhein prati bhaashan 200,000 dollar mileinge. New York ki Harry vaakar agency Clinton ke is nae kaamkaaj ka lekha-jokha rakhegi. Yahi agency unke pati poorv raashtrapati bill Clinton ka bhi kaamkaaj dekh rahi hai. Ek naagrik ke roop mein Hillary ne apne 11 saal ke dauraan 471 baar aisa bhaashan diya, jiske liye unhein bhugataan kiya gaya aur ausatan har bhaashan 189,000 dollar mila. Isi ke saath vah aarnal skaivarajeingar, al gor, dik cheni, saara paalin ke saath us club mein shaamil ho gayi hain, jo prati bhaashan chhah ankon se adhik ki rakam lete hain.

Hillary Clinton Ko Prati Bhaashan Mileinge Do Lakh Dollar https://www.angrejinews.com/pic/2562