High Court Sakht, 7 Police Vaale Line Haajir

India »

High Court Sakht, 7 Police Vaale Line Haajir

pramukh samvaadadaata . Chandigarh Chandigarh transport andarateking (seeteeyoo) ki bas se kuchali gayi nurse ke maamale mein Chandigarh police ne apni laaparavaahi maan li hai. Ullekhaneeya hai ki 7 May ko hue is haadase ke do ghante baad police pahunchi thi. Ilaaj mein deri hona hi nurse ki maut ki vajah bana. Is maamale par High Court sunavaai kar raha tha aur court ne Chandigarh prashaasan, Punjab va Haryana sarkaaron se haadason par tatkaal ilaaj ko lekar unki paulisi ke baare mein poochha tha. Chandigarh prashaasan ne apne javaab ke dauraan court ke saamane maamale mein police ki laaparavaahi maanate hue court ko bataaya ki PCR par tainaat 7 police karmachaariyon ko line haajir kar diya gaya hai jabki esaechao ko kaaran bataao notice ishoo kiya gaya hai. Prashaasan ne yah bhi kaha ki police karmachaariyon ke khilaaf dipaartameintal inkvaari bhi hogi. High Court ne is dauraan kaha ki sadkon par rojaana haadase ho rahe hain aur logon ke andar dar baith gaya hai. Court ne poochha ki haadasa hone par tatkaal ilaaj ke liye kya bandobast hain. Is par Chandigarh prashaasan, Punjab aur Haryana ne apna javaab dene ke liye aur samay diye jaane ki maang ki. Court ab maamale ki sunavaai 4 July ko karega. Ullekhaneeya hai ki 7 May ko Chandigarh se sate Punjab ke naya gaanv ilaake ki rahane waali 34 saal ki nurse sharmila aur unka bhaai alag-alag gaadi par sector 17 ja rahe the. Sector 10-11 ki divaaiding rod par chauk se pehle slip rod se sector 10 ki taraf mudte hue seeteeyoo ki bas ne sharmila ko takkar maar di. Logon ne haadase ki jaankaari police ko di lekin police do ghante ki deri se mauke par pahunchi. Is beech sharmila mauke par tadpati rahi aur unhonne dam tod diya. Mauke par maujood do yuvakon ka daava tha ki ve mahila ko aspataal lekar jaana chaahate the lekin vahaan maujood police karmiyon ne kaha ki maamala crime se juda hai, is liye pehle esaechao ka intajaar kar lena chaahiye. In yuvakon ne baad mein police ko shikaayat di ki police ne unke saath kharaab vyavahaar tak kiya aur police mulaajimon ke kaaran hi ve mahila ko aspataal naheen le ja sake.

High Court Sakht, 7 Police Vaale Line Haajir https://www.angrejinews.com/pic/9322