Hema-maadhuri Ke Gaalon Se Rod Ki Tulana Padi Mahangi

India »

Hema-maadhuri Ke Gaalon Se Rod Ki Tulana Padi Mahangi

PTI. Lucknow : Uttar pradesh ke khaadi aur graamodyog mantri raajaaraam paandeya ko shanivaar ki raat barkhaast kar diya gaya hai. Un par kathit roop se yah vivaadit tippani karne ka aarop hai ki vah prataapagadh ki sadkon ko film abhinetri Hema maalini aur maadhuri Dixit ke gaalon ki tarah chamaka deinge. Unhonne kaha ki jin aaropon par unhein barkhaast kiya gaya hai, vah poori tarah bebuniyaad hain. Unhonne kaha, 'Mere baare mein jo kuchh kaha ja raha hai vah galat hai. Agar media ke paas koi 'Baait' hai to vah dikhaae, main aarop sveekaar kar loonga. ' uttar pradesh ke mukhya sachiv jaaved usmaani ke hastaakshar se jaari adhisoochana ke anusaar raajyapaal bi. L. Joshi ne mukhyamantri Akhilesh Yadav ki salaah par raaja Ram paandeya ko mantri pad ki saari jimmedaariyon se shanivaar ki raat ko mukt kar diya hai. Mukhyamantri ke paas is samay 61 vibhaag hai. Vah ab khaadi aur graamodyog mantraalaya ka atirikt kaaryabhaar bhi dekheinge. Shukravaar ko prataapagadh ki yaatra ke dauraan paandeya ne kathit roop se yah vivaadaaspad tippani ki hai. Mantri ki tippani ke khilaaf raajanaitik dalon aur saamaajik sangathanon ne kaafi teekhi pratikriya di hai. BJP pravakta vijay bahaadur paathak ne kaha ki kisi pradesh ke mantri pad par aaseen vyakti ke munh se is tarah ki tippani shobha naheen deti. Vaise yah koi pehli baar naheen hai, jab mantri ji kisi museebat mein fanse ho. Isi saal February mein unhonne sultaanapur ke ek fankshan mein mahila DM ki kathit roop se taareef ki thi. Udhar poorv mantri raajaaraam paandeya ne kaha ki media ne unke bhaashan ko sune ya dekhe bina hi unke baare mein anargal aarop lagaae hain. Vah 1987 se netaaji (mulaayam Singh) se jude hain. Unke khilaaf koi kaarravaai karne se pehle unka paksh bhi suna jaana chaahiye tha. Unhonne kaha ki vah party se pichhle 30 saal se jude hue hain. Unke khilaaf koi bhi aarop saabit naheen ho sakta. Agar in aaropon mein ek feesadi bhi sachchaai saabit ho jeee to vah barkhaastagi se badi saja bhugatne ko taiyaar hai. Paandeya ne kaha ki ve party ke liye lagaataar kaam karte raheinge. Agar unke khilaaf ki gayi kaarravaai party hit mein hai to vah unhein manjoor hai.

Hema-maadhuri Ke Gaalon Se Rod Ki Tulana Padi Mahangi https://www.angrejinews.com/pic/5576