Helikauptaron Ko Nishaana Banaane Ki Taiyaari Kar Rahe Hain Naksali

Breaking »

Helikauptaron Ko Nishaana Banaane Ki Taiyaari Kar Rahe Hain Naksali

Arun Dixit nai Delhi . . Naksali ek baar fir suraksha balon ki madad ke liye tainaat kiye gaye helikauptaron ko nishaana banaane ki firaak mein hain. Unhonne naksal prabhaavit ilaakon mein tainaat helikauptaron ki udaan bharate samay aur land karte samay bhi veediyograafi ki hai. Veediyograafi ka kaam alag-alag ilaakon mein kiya gaya hai. Gat January mein vah ek helikauptar par hamla kar chuke hain. Gruh mantraalaya ko mili khufiya jaankaari ke mutaabik Chhattisgarh ke naksal prabhaavit Bijapur evam sukuma jilon mein chaar jagahon par naksaliyon ne helikauptaron ki veediyograafi ki hai. Gruh mantraalaya ne sabhi naksal prabhaavit raajyon ko behad satark rahane ko kaha hai. Unase kaha gaya hai ki jahaan-jahaan helipaid bane hue hain vahaan do kilometer ke ilaake ko 'Sef jon' banaaya jaae. Yah sunishchit kiya jaae ki helikauptaron ki udaanon ke pehle ilaake ki gaharaai se chhaanabeen ki jaae aur talaashi li jaae. Ullekhaneeya hai ki gat 18 January ko Chhattisgarh ke timlevaada mein sthit CRPF camp mein land karne ki koshish kar rahe vaayusena ke ek emaaai-17 helikauptar par naksaliyon ne goliyaan chalaai theen. Do ghaayal javaanon ko lene gaye is helikauptar ko asurakshit jagah par land karna pada tha. Goleebaari ke baad vaayusena ke karmachaari kathit taur par hathiyaar aur ek ghaayal kaunsatebal ko helikauptar mein hi chhodkar chale gaye the. Baad mein CRPF ki kobara battalion aur 150 battalion ke javaanon ne na keval helikauptar ka pata lagaaya tha balki ghaayal javaan ko surakshit baahar bhi nikaala tha. Gruh mantraalaya ke ek varishth adhikaari ke mutaabik naksali helikauptaron par hamla karke suraksha balon ka manobal kamjor karna chaahate hain. Is tarah ke hamlon mein unhein media coverage bhi jyaada milta hai. At: Khud ka varchasv saabit karne ke liye ve is tarah ke hamle ki taiyaari kar rahe hain. Gruh mantraalaya ki or se is baare mein Chhattisgarh, Jharkhand, udeesa, aandhr pradesh, madhya pradesh, Maharashtra, uttar pradesh evam pashchim Bengal evam Bihar ke gruh sachiv aur police mahaanideshak ko patra bheje gaye hain. Is patra ki prati CRPF, BSF aur eyarafors ko bhi bheji gayi hai. Gruh mantraalaya ke sootron ka kehna hai ki suraksha balon ke dabaav ke kaaran naksali pareshaan hain. Isi ke chalte ve is tarah ka hamla karna chaahate hain jise sabse jyaada media coverage mile. In sootron ka yah bhi kehna hai ki media mein mil raha mahatva bhi naksali hamlon ka ek bada kaaran hai. Gruh mantraalaya ne raajyon se poori tarah satark rahane ko kaha hai.

Helikauptaron Ko Nishaana Banaane Ki Taiyaari Kar Rahe Hain Naksali https://www.angrejinews.com/pic/4680