Helicopter Sauda Suraksha Balon Ke Aadhunikeekaran Par Mandaraaya Khatra

Breaking » Tuesday, February 19, 2013

Nai Delhi: Ogastaavestalaind se helicopter deal par uthe vivaad ke baad desh ke suraksha balon ke aadhunikeekaran ke saamane prashn khade ho gaye hain. CBI dvaara helicopter saude ki jaanch ke beech senaaon ko yah chinta sataane lagi hai ki kaheen 1970 aur 1980 ke dashak ke hathiyaaron ke aadhunikeekaran mein samasya na aae. In logon ka maanana hai ki kaheen fir se Bhaarat ko roos par hi nirbhar na hona pade. Rakshaamantri AK Antony ne kaha ki har khareed par prashn naheen uthaae jaane chaahiye. Hamein padosiyon ki badaulat jald aadhunikeekaran par dhyaan dena chaahiye. Vaheen, sootron ka kehna hai ki chaupar saude mein CBI jaanch ke baad adhikaari is maamale mein kuchh dheeme ho gaye hain. Pichhle paanch saalon mein bhaarateeya nausena ne teji se kharch kar aadhunikeekaran kiya hai. Sootron ke anusaar is maamale mein sabse jyaada nuksaan nausena ka hoga. Nausena 16 malti rol helicopter khareed ke maamale mein daam par baat kar rahi hai. Sootron ka kehna hai ki agar ogastaavestalaind ko pratibandhit kiya jaata hai to is company ke saath yoorokauptar ke upakram se liye ja rahe heleekauptaron ki pichhle 13 saal se jaari prakriya ko ek baar fir aarambh karna padega. Ye nae heleekauptaron puraane pade seeking heleekauptaron ko badalne ke liye khareede ja rahe the. In heleekauptaron ki jaroorat mein panadubbiyon ke sambhaavit hamle se suraksha ke liye aavashyak hai. Inke alaava 56 halke heleekauptaron ki khareed ka bhi bhaarateeya nausena prayaas kar rahi hai. In khareedaari mein bhi ogastaavestalaind ek boli karta hai. Vaheen, bhaarateeya sena bhi top aur bandookein khareedne ka intajaar kar rahi hai. Pichhli baar 1987 mein bofors top khareedi gayi theen. Isse pehle chaar videshi companiyon ko galat kaam karne ki vajah se pratibandhit kiya gaya hai. Iske saath aur companiyon ko blaikalist karne se pratispardha kam ho jaaegi. Isse pehle raksha bajat mein 14000 karod rupaye ki katauti ki gayi thi.