Heeropanti

Movies »

Heeropanti

Chandramohan sharma bollywood mein in dinon reemek aur sikval ka daur hai. Beshak is film ko tamil ki super hit film paroog ka reemek bataaya ja raha hai. Vaise, agar aapne sattar ke dashak mein release hui jaiki shrauf , meenaakshi sheshaadri staarar hero ko cinema ke parde par ya TV par dekha hai to tiger ki yeh film kaheen na kaheen usi film se prabhaavit hai. Industry mein aane vaale nae cheharon ki baat ki jaae to inmein se 95 feesadi star san aur star dautar hai. Isi daur mein jaiki shrauf ke saahabajaade tiger shrauf ne bhi entry li hai. Tiger ne career ki shuruaat ke liye leek se hatkar ya kuchh alag karne ka jokhim uthaane ki bajaae box aafis par bikaaoo masaalon waali film se career ki shuruaat karna behtar samjha. Praudakshan company ne tiger ko kuchh aise andaaj mein promote kiya release se pehle yangastars mein is film ka achha khaasa krej ban gaya. Is film ko dekhkar saaf lagta hai paapa ne saahabajaade ko aikting ki ABC seekhane ke baad hi camera face karne ka green signal diya, tiger ne hairatangej aikshan stunt scene karne ke saath-saath apni pehli hi film mein baar baar shart utaarakar six paik baudi dikhaane mein koi kasar baaki naheen chhodi. Vaheen, agar aikting ki baat ki jaae to dialogue delivery ke maamale mein tiger ko abhi bahut kuchh seekhana baaki hai, aise mein unka hindi filmon ke doosare heroes se bilkul alag luk seeriys scenes mein unhein jamane naheen deta. Kahaani: Babaloo (tiger shrauf ) apni basi basaai duniya mein jeene vaala mastamaula yuvak hai. College ke kuchh doston ke saath usaki khoob patati hai. Babaloo doston ke liye kuchh bhi karne ka jajba rakhata hai. Haryana ke jaatalaind area mein dabang chaudhari soorat Singh ( prakaash raaj) ka dabadaba hai. Gaanv mein chaudhari saahab ka poora parivaar ek saath rahata hai. Chaudhari saahab ki badi beti renoo (sandeepa dhar) ko babaloo ke khaas dost Rakesh se pyaar ho jaata hai. Rakesh ke pyaar mein renoo ghar se bhaag jaati hai. Chaudhari saahab aur unke bhaai renoo ki talaash mein hai. Isi beech unke haath Rakesh ke do dost lagte hai. Chaudhari saahab ke bhaai jab in donon ki pitaai karte hai to vah babaloo ka naam lete hain. Ab in donon ke saath-saath babaloo bhi chaudhari saahab ki kilenuma haveli mein kaid hai. Ek din babaloo ki najarein chaudhari saahab ki chhoti beti dinpi (kruti senan) se milti hai. Babaloo ko pehli najar mein dinpi se pyaar ho jaata hai. Babaloo ko apne pyaar ko haasil karne ke liye chaudhari saahab aur unke bhaaiyon se lambi jang ladni padti hai. Aikting: Babaloo ke kirdaar mein tiger shrauf evarej najar aate hain. Beshak aikshan aur dance mein tiger ne apna jabardast tailant dikhaaya hai. Vaheen tiger ko abhi apni dialogue delivery aur face eksapreshan par khaas dhyaan hoga. Intaraval ke baad kai scenes mein dialogue delivery ke vakt tiger ka chehara ekdam flat najar aata hai. Kruti senan apne kirdaar mein kaafi had tak fit to hai lekin tiger ke saath unki kemistri mein dam najar naheen aata. Chaudhari saahab ke kirdaar mein prakaash raaj kuchh drushyon mein over aikting ke shikaar hue hai , iske baavajood poori film mein ikalaute vaheen aise kalaakaar hai jo staart too end prabhaavit karte hain. Nirdeshan: Aisa lagta hai director sabbeer Khan pehle se jaante the unhein tiger aur kruti se kya karaaya ja sakta hai aur unhonne vaheen sab karaaya bhi. Yahi vajah hai unhonne camera in donon par kuchh jyaada focus kiya hai. Kamjor script ke baavajood sabbeer Khan ne aise masaale fit karne mein koi kasar baaki naheen chhodi jo yangastars ki kasauti par khara utarane ka dam rakhate hain. Sangeet: Film ke do gaane aa raatabhar. . . Aur vhisl baja film ki release se pehle kai myoojik chart mein taap par chal rahe hain. Vaheen film ka background myoojik tiger ke paapa ki barso puraani super hit hero ke myoojik ki yaad dilaata hai. Kyon dekhein: Agar aap chaaloo masaalon ke saath-saath dance aur aikshan ke shaukeen hai to is heeropanti ko ekabaar dekha ja sakta hai. Leek se hatkar ya kuchh naya dekhne waali class ko film sau feesadi apaset karegi.

Heeropanti https://www.angrejinews.com/pic/51591