Head Constable Par Rape Ka Aarop

India » Saturday, April 13, 2013

enabeeti news . Hisaar sirsa jile ke dabavaali thaane mein Haryana police ke ek constable ke khilaaf mahila ke saath shaadi ka jhaansa dekar rape karne ka case darj kiya gaya hai. SP Dr. Raajashri ke daftar pahunchi mahila ne aarop lagaaya ki sirsa police line mein tainaat head constable roshan laal ne usaka yaun shoshan kiya. Usane kaalaanvaali aur dabavaali thaanon mein shikaayat di, lekin in thaanon ki police ne koi kaarravaai naheen ki. Mahila ki shikaayat par kaarravaai karte hue SP ne dabavaali police ko case darj karne ke nirdesh diye. Police ne aaropi head constable ke khilaaf maamala darj kar liya hai. Mahila ne police thaana mein darj FIR mein kaha hai ki vah 2009 mein dabavaali shahar ke ek computer center par prashikshan ke liye jaati thi. Vahaan usaki mulaakaat training le rahe Haryana police mein kaaryarat head constable roshanalaal se hui thi. Is dauraan roshanalaal ne use shaadi ka jhaansa diya aur milne ke liye bulaaya. Usako police ke ek test ke liye Chandigarh jaana tha, isliye vah 10 September 2009 ki raat aaropi ke kiraae ke kamre mein thahari thi. Aarop hai ki policekarmi ne uske saath rape kiya. Usane shaadi ka vaada kiya tha, lekin usane kaheen aur shaadi kar li. Rape ke doshi policekarmi ko saja fatehaabaad ki fast track court ne ek chhaatra ke saath rape karne ke aarop mein Haryana police ke sipaahi dasharath ko 7 saal kaid aur 7 hajaar jurmaane ki saja sunaai. Ladki uske pados mein coaching ke liye aati thi. Aarop hai ki ek din aaropi ne peedita ko apne ghar bulaakar uske saath rape kiya. Baad mein peedita ke parijanon ne case darj karaaya tha.