Havan Ki Aag Se Maut Ya Khudakushi, Suspense

India »

Havan Ki Aag Se Maut Ya Khudakushi, Suspense

ek samvaadadaata . Bulandashahar guruvaar ko durgaashtami par havan karte samay ghar mein lagi aag se 5 log buri tarah jhulas gaye. Jinmein ek yuvati ki maut ho gayi. Vaheen, sootron ka kehna hai ki gaanv ke ek yuvak se yuvati ka prem prasang tha jiska parivaar ke log virodh kar rahe the. Is baat se dukhi hokar yuvati ne khud ko aag ke havaale kar diya. Police maamale ki jaanch kar rahi hai. Shikaarapur thaana kshetr ke gaanv taiyabapur mein 18 saal ki varsha vrat rakhe hue thi. Durgaashtami ki pooja ke liye guruvaar ko vah havan karne lagi. Bataaya gaya hai ki havan ki lapaton ki chapet mein aakar vah buri tarah se jhulas gayi. Use aspataal le jaaya gaya, jahaan usaki maut ho gayi. Varsha ko bachaane ke liye aae uske chaar bhaai aur bhaabhi buri tarah jhulas gaye. Gaanv ke logon ne unhein sarkaari aspataal mein bharti karaaya hai. Ghatna ke baad sarkaari aspataal mein ghaayalon ko lekar aae gaanv ke logon ne bataaya ki guruvaar havan ke dauraan aag lagne ke baad varsha ko bachaane mein use chaar bhaai aur bhaabhi moni aag ki chapet mein aa gaye. Havan ki aag ne itna bhayankar roop le liya ki poora ghar iski chapet mein aa gaya. Aaspaas ke logon ne mashakkat ke baad aag par kaaboo paaya, lekin ghar ke paanch sadasya buri tarah jal gaye. Mauke par pahunchi police maamale ki jaanch mein juti hai. Police sutron ne bataaya ki varsha ka gaanv ke yuvak se prem prasang chal raha tha. Is baat ki bhanak uske parijanon ko lagi to unhonne mana kiya. Is baat se dukhi hokar varsha ne apne oopar kerosene daalkar aag laga li. Filhaal police kisi nishkarsh par naheen pahunchi aur maamale ki jaanch kar rahi hai.

Havan Ki Aag Se Maut Ya Khudakushi, Suspense https://www.angrejinews.com/pic/6080