Hasi Ke Dhamaake Se Chennai Ne Rajasthan Ko Haraaya

Cricket »

Hasi Ke Dhamaake Se Chennai Ne Rajasthan Ko Haraaya

Chennai. . Maaik hasi aur suresh raina ke ardhashatak ki badaulat chennai Superkings Indian Premier league ke romaanchak mukaabale mein somvaar ko yahaan Rajasthan raayals ko paanch wicket se haraakar jeet ki hattrick banaate hue ank taalika mein sheersh par pahunch gaya. Rajasthan raayals ne Shane Watson (101) ke shatak ki madad se chaar wicket par 185 run banaae the jiske javaab mein chennai ki team ne hasi (88) aur raina (51) ki umda paariyon se 19 . 5 over mein paanch wicket par 186 run banaakar match jeet liya. Hasi ne 51 geind ki apni paari mein 13 chauke aur ek chhakka maara. Unhaunne raina ke saath doosare wicket ke liye 90 jabki kaptaan Mahendra Singh Dhoni (21) ke saath teesare wicket ke liye 42 run ki saajhedaari ki. IPL mein aaj ka din Australiaee khilaadiyon ke naam raha. Pehle Watson ne shatak jamaaya to baad mein hasi ne chennai ki jeet mein aham bhoomika nibhaai. Raayals ki or se Australia ke hi James Falkner ne match mein sarvashreshth geindabaaji karte hue 20 run dekar teen wicket chatakaae. Watson IPL mein shatak banaane vaale 12vein videshi aur kul 20vein ballebaaj hain jabki IPL itihaas mein shatak banaane ka yah 25vaan mauka hai. Lagaataar teesari jeet ke saath chennai ki team saat maichon mein paanch jeet se 10 ank ke saath ank taalika mein sheersh par pahunch gayi hai. Raayal Challengers Bengaluru aur sunrisers Hyderabad ke bhi itne hi maichon mein itne hi ank hain lekin Superkings behtar net run rate ke kaaran sheersh par hain. Raayals ki saat maichon mein yah teesari haar hai aur team ke chaar jeet se aath ank hain. Lakshya ka peechha karne utari chennai ki team ki shurooaat achhi naheen rahi. Murali vijay ek baar fir naakaam rahe aur teen run banaane ke baad ajeet chandeela ko unheen ki geind par catch dekar pavilion laut gaye.

Hasi Ke Dhamaake Se Chennai Ne Rajasthan Ko Haraaya https://www.angrejinews.com/pic/6419