Haryana Mein Vyavasaayi Ko Lootane Vaala Delhi Mein Arest

Breaking » Thursday, March 28, 2013

nai Delhi. . Haryana ke ek vyavasaayi se 6 lakh rupae lootakar raashtreeya rajdhani mein ghuse ek aparaadhi ko Delhi police ne guruvaar ko arest kar liya. Aparaadhiyon ne bandook ka bhaya dikhaakar vyavasaayi ko loota tha. Haryana ke soneepat jile mein dopahar kareeb 12 baje murgi paalan vyavasaayi sonoo se rupae chheenane ke baad praveen aur uske do saathi motorcycle se Delhi ki seema se lage singhoo border ki taraf bhaag gaye. Ek police adhikaari ne bataaya, 'Aaropiyon ne jaise hi Delhi ki seema mein pravesh kiya aur narela ki taraf jaane lage, police ko satark kar diya gaya. Lagbhag 18 kilometer tak peechha karne ke baad aaropiyon mein se ek praveen ko bakhtaavarapur gaanv ke najadeek arest kar liya gaya. Uske donon saathi haalaanki bhaagane mein kaamayaab ho gaye. ' aaropi ke paas se ek pistaul baraamad hui lekin sonoo se loote hue rupae naheen mile. Adhikaari ne bataaya ki praveen se poochhataachh ki ja rahi hai tatha police uske anya aparaadhon mein sanliptata ki jaankaari jutaane ki koshish kar rahi hai.