Haryana Land Deal Maamale Mein Vaadra Ko Clean Chit

Business »

Haryana Land Deal Maamale Mein Vaadra Ko Clean Chit

Chandigarh. . Deeelaef ke saath vivaadaaspad land deal mein Robert vaadra ko clean chit dete hue Haryana sarkaar ki ek samiti ne len-den mein gadbadi hone ke varishth aaiees adhikaari ashok khemaka ke aaropon ko khaarij kar diya aur kaha ki keemat kam naheen aanki gayi. Aadhikaarik sootron ne bataaya ki adishnal cheef sekretari Krishna mohan ki adhyakshata waali teen sadasyeeya samiti ne kaha ki Congress adhyaksh soniya Gandhi ke daamaad vaadra ke saath land deal ke baad deeelaef ki teen ekad jameen ki deal nirast karke khemaka ne adhikaar kshetr se baahar jaakar kaarravaai ki. Sampark kiye jaane par mohan ne is mudde par yah kehkar tippani karne se inkaar kar diya ki unhonne cheef sekretari ke office ko apni report saunp di hai aur is par aage ki kaarravaai unhein karni hai. Samiti ke ek anya sadasya principle sekretari raajan gupta ne bhi report par tippani karne se mana kar diya. Sootron ne bataaya ki maamale ke tathya khemaka ke rukh se alag hain. Khemaka ne director general, kansaulideshan of holdings aind land rikaurds aur aaiji of rajistreshan ke taur par vaadra ke khilaaf faisala sunaaya tha. Khemaka ne traansafar ke ek din baad aur kaaryabhaar saunpane se teen din pehle chaar jilon Gurgaon, palaval, Faridabad aur mevaat ke dipti kamishnars se kaha tha, 'Veindar (selar) aur veindi (baayar) ki haisiyat se vaadra ya unki companiyon ki taraf se 2005 se panjeekrut sabhi dastaavejon ki jaanch karein. ' bataaya jaata hai ki samiti ne rai di hai ki land deal mein koi gadbadi naheen ki gayi hai. Is samiti ka gathan pichhle saal October mein Haryana ke shikopur mein vaadra ki company aur deeelaef se sambandhit bhoomi saudon ki jaanch ke liye kiya gaya tha. Khemaka ne daakhil-khaarij (myooteshan) mein kai tarah ki gadbadiyon ka aarop lagaate hue use khaarij kar diya tha. Unhonne pichhle saal October mein Gurgaon ke shikopur gaanv mein teen ekad se adhik bhoomi ke bikri dastaavej ke daakhil khaarij ko radd karne ka aadesh diya tha. Vaadra ki skaai laait hauspitailiti ne jameen ki bikri ke liye real estate company deeelaef ke saath bikri samjhauta kiya tha. Khemaka ne bhi is report par kaumeint naheen kiya.

Haryana Land Deal Maamale Mein Vaadra Ko Clean Chit https://www.angrejinews.com/pic/6447