Haryana Ki Mandiyon Mein Gehoon Ki Khareed Shuroo

India » Wednesday, April 3, 2013

enabeeti news . Kurukshetr/Ambala Haryana ki anaaj mandiyon mein somvaar se gehoon ki khareed shuroo ho gayi hai. Haalaanki, pichhle dinon hui baarish ki vajah se mandiyon mein aavak naamamaatr hi hai. Pichhle saal ki tarah pradesh sarkaar ke khaadya evam aapoorti vibhaag ne doosare pradeshon ki gehoon naheen khareedne ke aadesh jaari kiye hain. Gehoon khareed shuroo hone ke doosare din mangalvaar ko yamunaanagar ke atirikt upaayukt Dr. Satabeer Singh saini ne jila sachivaalaya yamunaanagar ke sabhaagaar mein adhikaariyon, aadhtiyon aur thekedaaron ki baithak li. Unhonne gehoon ki khareed ke liye sabhi agencyon aur sambandhit adhikaariyaane ko nirdesh diye ki ve jila ki mandiyon mein keval jila yamunaanagar ke kisaanon ki gehoon ki khareed karein aur padosi raajyon va jilon ke kisaanon ki fasal na khareedein. Doosari taraf, Ambala jile ki mandiyaane mein bhi mangalvaar se gehoon ki sarkaari khareed ka kaam shuroo ho gaya hai. Jila prashaasan ne sabhi mandiyon va khareed kendron par vyaapak prabandh kiye hain. Upaayukt shekhar vidyaarthi ne bataaya ki jile ki 8 anaaj mandiyon aur 6 khareed keindronn par kisaanon ke ile uchit vyavastha ki gayi hai. Gehoon ki khareed ke liye sabhi khareed agencyon aur sambandhit adhikaariyaane ko nirdesh diye gaye hain ki ve jila ki mandiyon mein keval jila Ambala ke kisaanon ki gehoon ki khareed karein. Unhonne kaha ki baahar ki gehoon aane se gehoon ke bhandaaran ki samasya utpann hoti hai aur jila ke kisaanon ko mandiyon mein apni fasal bechne mein dikkat aati hai.