Harsh Firing Mein Kishor Ke Sir Mein Lagi Goli, Gambhir Haalat Mein Aspataal Mein Bharti

Breaking »

Harsh Firing Mein Kishor Ke Sir Mein Lagi Goli, Gambhir Haalat Mein Aspataal Mein Bharti

Nai Delhi Shaadi-byaah mein harsh firing ki ghatnaaen rukane ka naam naheen le rahi hain. Isi kadi mein uttari Delhi ke rithaala mein shanivaar shaam harsh firing mein sir mein goli lagne se ek kishor gambhir roop se jakhmi ho gaya, jiske baad use aspataal mein bharti karaaya gaya hai. Maamale ki jaankaari dete hue DCP (rohini) ne bataaya ki peedit ki pehchaan saataveen kaksha ke chhaatr gaurav ke roop mein hui hai. Unhonne bataaya ki is maamale mein IPC ki dhaara 307 ke tahat hatya ka prayaas tatha shastr adhiniyam ke praavadhaanon ke tahat maamala darj kar liya gaya hai. Police yeh bhi jaanch kar rahi hai ki ghatna mein istemaal kiya gaya hathiyaar avaidh tha ya laaiseinsi. Ghatna rithaala mein shaam 7.30 baje ghati, jab ek baaraat ek ghar ke nikat se gujar rahi thi. Baaraat sthal tak jaane ke dauraan baaraati us ghar ke nikat ikattha ho gaye the. Police ne kaha ki gaurav ghar ki baalakani mein khada hokar baaraat dekh raha tha. Isi dauraan ek baaraati ne bandook nikaalkar hava mein laharaate hue havaai firing shuroo kar di. Police ne bataaya ki logon ke baar-baar mana karne ke baavajood usane firing karna band naheen kiya. Isi dauraan ek goli kishor ke sir mein lag gayi, jiske baad vah baalakani se neeche gir pada. Iske baad, ghaayal kishor ko lekar parijan nikat ke aspataal pahunche aur police ko ghatna ki jaankaari di. Baad mein kishor ko ek niji aspataal mein shift kar diya gaya jahaan, shanivaar raat usaka operation kiya gaya. Kishor ki haalat abhi bhi gambhir bani hui hai.

Harsh Firing Mein Kishor Ke Sir Mein Lagi Goli, Gambhir Haalat Mein Aspataal Mein Bharti https://www.angrejinews.com/pic/269355