Harbhajan Ka Saamana Karna Bahut Mushkil Hoga Clark

Cricket »

Harbhajan Ka Saamana Karna Bahut Mushkil Hoga  Clark

Chennai: Australia ke kaptaan Michael Clark ne guruvaar ko sveekaar kiya ki Bhaarat ke khilaaf shukravaar se shuroo hone waali chaar test maichon ki series mein bhaarateeya geindabaajon mein of spinner Harbhajan Singh ka saamana karna sabse mushkil hoga. Clark ne Harbhajan ko badhaai bhi di jo kal 100 test match khelne ki upalabdhi haasil kareinge. Clark ne match ki poorv sandhya par kaha, ''Yah (00 test match khelna) Harbhajan ke liye bahut badi upalabdhi hai. Australiaee team ki taraf se main unhein badhaai deta hoon. Yah bahut khaas upalabdhi hai. Sabhi bhaarateeya geindabaajon mein unka saamana karna bahut mushkil hai lekin test jeetne ke liye hamaari apni yojanaaen hain. '' Harbhajan ki jamkar taareef karte hue Clark ne kaha ki unke is anubhavi of spinner ke saath hamesha achhe sambandh rahe. Unhonne kaha, ''Vah laajavaab khilaadi hai. Mere hamesha Harbhajan ke saath achhe sambandh rahe. Mainne maidaan par chunautiyon ka saamana kiya hai kyonki vah bahut achha geindabaaj hai. Usane sarvashreshth khilaadiyon ke khilaaf test match khele hain aur mujhe poora vishvaas hai ki yah test match bhi alag saabit naheen hoga. '' Harbhajan ne ab tak 99 test maichon mein 32.27 ki ausat se 408 wicket liye hain. Vah bhale hi pichhle kuchh samay se kharaab daur se gujar rahe hain lekin Bhaarat ki taraf se unhonne kai baar karishmaai pradarshan kiya hai. Unhonne 2001 ki mashahoor series mein teen match mein 32 wicket lekar Australiaee ballebaaji ko tahas nahas kar diya tha.

Harbhajan Ka Saamana Karna Bahut Mushkil Hoga Clark https://www.angrejinews.com/pic/2515