Har Khilaadi Ki Samaaj Ke Prati Jimmedaari Hoti Hai Jeev Milkha Singh

Sports »

Har Khilaadi Ki Samaaj Ke Prati Jimmedaari Hoti Hai Jeev Milkha Singh

Nai Delhi. . Sheersh bhaarateeya golfer ne drags maamale ke aaropi bhaarateeya mukkebaaj vijeindar Singh ke baare mein tippani karne se inkaar kar diya lekin kaha ki pratyek star khilaadi ki samaaj ke prati kuchh jimmedaari hoti hai. Drags prakaran mein vijeindar par lage aarop ke sambandh mein savaal poochhane par jeev ne somvaar ko yahaan ek kaaryakram mein is maamale mein ghaseete jaane se inkaar karte hue kaha ki har star khilaadi ki samaaj ke prati kuchh jimmedaari hoti hai. Unhonne kaha, 'Main kisi vyakti ke baare mein tippani naheen karna chaahata lekin mujhe lagta hai ki agar log aapko aadarsh ke taur par dekhte hain to aapki kuchh jimmedaariyaan banti hain. ' unke pita mahaan athlete milkha Singh ke jeevan par ban rahi film 'Bhaag milkha bhaag' ke baare mein poochhane par jeev ne kaha ki vah 12 July ko release hone waali is film ka besabri se intajaar kar rahe hain. Jeev ne kaha, '' 'Bhaag milkha bhaag' ki team ne achha kaam kiya hai. Farahaan Akhtar shaanadaar hain. Unhonne milkha Singh ke kirdaar ko bakhoobi parade par utaara hai. Mujhe bharosa hai ki yah film hit hogi. '' jeev milkha Singh ne sarkaar se aagrah kiya ki Bhaarat mein is khel ko lokapriya banaane ke liye logon ke liye jyaada se jyaada saarvajanik golf course banaae jaane chaahiye. Jeev ne sveekaar kiya ki bhaarateeya golfaron ne antararaashtreeya manch par apni maujoodagi darj karaayi hai. Unhonne kaha ki desh mein is khel ko logon tak pahunchaane ke liye sarkaar ki or se kaafi kuchh kiye jaane ki jaroorat hai. Jeev ko sveedan ki lagjari car company volvo auto ne apna brand aimbaisadar niyukt kiya. Unhonne kaha, 'Hamein is khel ko lokapriya banaane ke liye jyaada se jyaada saarvajanik golf course chaahiye. ' unhonne kaha, 'Bhaarat mein golf ko eleet khel maana jaata hai. Har kisi ke liye niji golf course mein khelna sambhav naheen hai. Hamein un logon ko mauka dena chaahiye jo is khel ko khelna chaahate hain. Iske liye hamein jyaada saarvajanik golf course chaahiye. ' jeev ne kaha, 'Main sarkaar se isi ka aagrah kar raha hoon kyonki sarkaar hi saarvajanik golf course ke liye jameen muhaiya karaaegi.

Har Khilaadi Ki Samaaj Ke Prati Jimmedaari Hoti Hai Jeev Milkha Singh https://www.angrejinews.com/pic/4871