Hamle Ke Baare Mein Hyderabad Samet Chaar Shaharon Ko Day Di Gayi Thi Chetaavani

Breaking »

Hamle Ke Baare Mein Hyderabad Samet Chaar Shaharon Ko Day Di Gayi Thi Chetaavani

Nai Delhi: Keindreeya suraksha agencyon ne Hyderabad samet dakshin Bhaarat ke teen anya shaharon ko vishesh roop se satark kar diya tha ki Mumbai aatankvaadi hamle mein shaamil Pakistani aatankvaadi Ajmal kasaab aur sansad par hamle ke doshi Afzal guru ko faansi diye jaane ka badla lene ke liye koi hamla kiya ja sakta hai. Sarkaari sootron ne bataaya ki khufiya soochanaaon par kaarravaai karte hue suraksha agencyon ne dakshin Bhaarat ke chaar shaharon -Hyderabad, Bengaluru, Coimbatore aur Hubli- ki police ko aatankvaadiyon ke sambhaavit hamle ki soochana day di thi aur unase sabhi samvedansheel jagahon par suraksha kadi karne ke liye kaha tha. Unhonne kaha ki iske baavajood visfot ke liye Andhra pradesh police par aarop lagaana uchit naheen hoga kyonki in shaharon par hamle ki soochana ke baavajood samay aur sthaan ka koi ullekh naheen tha. Unhonne kaha ki samay aur sthaan ki jaankaari jaldi naheen mil paati hai. Adhikaariyon ne kaha ki keindreeya suraksha agencyon ne 21 February ki subah in chaar shaharon aur do pashchimi raajyon mein hamle ki vishesh soochana day di thi.

Hamle Ke Baare Mein Hyderabad Samet Chaar Shaharon Ko Day Di Gayi Thi Chetaavani https://www.angrejinews.com/pic/2588