Hamein Vipaksh Ke Neta Ka Pad Milne Mein Koi Kaanooni Adchan Naheen : Congress

Breaking »

Hamein Vipaksh Ke Neta Ka Pad Milne Mein Koi Kaanooni Adchan Naheen : Congress

Nai Delhi: Congress ne Budhvaar ko kaha ki use Loksabha mein vipaksh ke neta ka pad milne mein kisi tarah ki kaanooni adchan naheen hai, jabki uske saansad Loksabha mein sadasyon ki jaroori sankhya se kam hain. Congress pravakta Abhishek singhavi ne kaha, 'Nishchit roop se vaidhaanik sharton ko poora kiya jaana chaahiye. Lekin vipaksh ke taur par neta ya party ko maanyata dene ke Loksabha adhyaksh ke visheshaadhikaar ko lekar vaakai koi kaanooni adchan naheen hai. ' isi tarah ke svar mein poorv kaanoonamantri M veerappa moili ne aaj kaha ki kaanoon ko padhne par yeh spasht hota hai ki is pad ke liye jis vyakti ko maanyata di jaani chaahiye vah sarvaadhik sankhya vaale vipakshi dal ka neta hona chaahiye. unhonne kaha ki Loksabha mein aavashyak sankhya mein sadasya naheen hone ke baavajood Congress ko sadan mein pratipaksh ke neta ka pad milna chaahiye. moili ne is tarah ke sujhaav ko khaarij kar diya ki 44 sadasya hone ke kaaran Congress ko pratipaksh ke neta ka pad naheen mil sakta. unhonne ek bayaan mein kaha ki sansad mein pratipaksh ke netaaon ke vetan aur bhatte kaanoon, 1977 ki dhaara 2 mein likhit is kaanooni aavashyakta ke alaava unhein aisa lagta hai ki sadan ke koram ke liye aavashyak sadasyon ki sankhya ke baraabar aisi party ke sadasyon ki nyoonatam sankhya hone jaisi koi anya shart naheen hai. moili ne kaha ki Loksabha adhyaksh dvaara pratipaksh ke neta ko maanyata dene ke maamale mein apnaai ja rahi parampara ke kaaran is masale par aisa 'Sanshaya' hua hai. Unhonne kaha ki adhyaksh ke nirdeshon ke 121 ke nirdesh ko padhne ki parampara rahi hai jo kehta hai ki sansadeeya dal ya samooh ko maanyata dete samay adhyaksh ko sunishchit karna chaahiye ki uske paas kam se kam sadan ki baithak ke liye nirdhaarit nyoonatam koram ke baraabar sadasyon ki sankhya ho. Yeh sadan ke sadasyon ki sankhya ka dasavaan hissa hai. Unhonne kaha ki isliye nirdesh 121 aur kaanoon ki dhaara 2 ko ekasaath padh kar hi 55 sadasyon ki nyoonatam sankhya nirdhaarit ki gayi hai. Unhonne kaha ki is sandarbh mein yeh kaha ja sakta hai ki adhyaksh ke nirdesh vidhaayi jaroorat ka sthaan naheen le sakte hain.

Hamein Vipaksh Ke Neta Ka Pad Milne Mein Koi Kaanooni Adchan Naheen : Congress https://www.angrejinews.com/pic/51293