Hamein Jyaada Se Jyaada Anushaasit Hona Hoga Jayavardhane

Cricket »

Hamein Jyaada Se Jyaada Anushaasit Hona Hoga Jayavardhane

mumbai. . Wankhede stadium mein mangalvaar ko mumbai Indians ke khilaaf mili sharmanaak haar ke baad Delhi Daredevils team ke captain mahela jayavardhane ne kaha ki achhi wicket par stareeya teemon ke khilaaf unke khilaadiyon ko jyaada se jyaada anushaasit hokar khelna hoga. Mumbai Indians ne pehle khelte hue 209 run banaae jabki Daredevils team lakshya se 44 run door rah gayi. David vaarnar aur Manpreet juneja ko chhodkar Delhi ka koi aur ballebaaj naheen chal saka. Isse pehle geindabaajon ki jamkar dhunaai hui thi. Jayavardhane ne match ke baad kaha, 'Hamein achhi shuruaat ki darkaar thi. Vaarnar aur juneja ne umda ballebaaji ki lekin 210 ranon ka lakshya hamaare liye kaafi bada saabit huaa. Ham 180-90 ka lakshya haasil kar sakte the. ' vah bole, 'Hamein stareeya teemon ke khilaaf achhi wicketon par jyaada anushaasit hokar khelna hoga. Hamein apni kshamata par bharosa rakhana hoga aur yah yaad rakhana hoga ki ham apne boote pehle jeet aur fir jeet ka silsila jaari rakh sakte hain. ' Indian Premier league ke chhathe sanskaran mein Delhi ko lagaataar teesari haar mili hai jabki mumbai ne teen mein se do match jeete hain. Net run rate adhik hone ke kaaran mumbai filhaal table mein sabse oopar hai.

Hamein Jyaada Se Jyaada Anushaasit Hona Hoga Jayavardhane https://www.angrejinews.com/pic/5105