Hamein Javaab Chaahiye

World »

Hamein Javaab Chaahiye

PTI . Washington ameriki raashtrapati baaraak Obama ne kaha hai ki ham baustan hamlaavaron ke maksad ka pata lagaakar raheinge. Is hamle mein maare gaye logon ke gharavaale javaab chaahate hain. Aatankvaadiyon ka nafaratabhara maksad naakaam ho gaya hai. Baustan hamle mein teen logon ki maut hui thi jabki 180 ghaayal hue the. Ek hamlaavar ke maare jaane aur doosare ki giraftaari ke turant baad Obama ne raashtra ko sambodhit kiya aur police ko badhaai di. Unhonne kaha ki hamein kai savaalon ka javaab chaahiye. Kyon ve javaan ladke jinhonne hamaare desh mein, hamaare samaaj mein rahakar bade hue, padhe-likhe unhonne aisi hinsa kyon ki? Unhonne ye hamle kaise anjaam diye aur kya unhein kisi ne madad pahunchaai? Humne FBI, homalaind security dipaartameint aur intelligence se jaanch jaari rakhane ko kaha hai. Putin se ki baat : Ameriki raashtrapati baaraak Obama ne baustan hamlon mein chechan mool ke yuvakon ka naam aane ke baad roos ke raashtrapati vlaadimir putin se baat ki hai. Vaait house ke mutaabik, Obama ne baustan dhamaakon ke silsile mein roos se mili madad ke liye unka shukriya kiya. Donon raashtrapati aatankvaad virodhi muhim par sahayog badhaane par raaji hue. Putin ne jaan ganvaane vaale logon ke prati samvedna jaahir ki. Vaheen roosi raashtrapati ke aavaas kremalin ki or se kaha gaya hai ki donon raashtrapatiyon ne 2014 mein sochi mein hone vaale winter olympic gems mein security intajaam ke liye bhi milkar kaam karne ka iraada jataaya. Intelligence ke beech badhega sampark : Donon deshon ki intelligence service aapas mein sampark badhaaengi. Jaankaaron ka maanana hai ki ab tak donon deshon ke beech intelligence sahayog kamjor pada tha. Diplometik rishton mein utaar-chadhaav aur putin ki or se aatankvaad ke khilaaf muhim ka istemaal apne raajaneetik virodhiyon par hamlon ke liye karne ke shak mein America ismein kam ruchi leta tha.

Hamein Javaab Chaahiye https://www.angrejinews.com/pic/6281