Hamein Jald Sudhaarani Hogi Performance Naraayan

Cricket » Thursday, April 25, 2013

Kolkata . Sachin Tendulkar ke 40vein janmadin par unka wicket lene vaale Kolkata night Riders ke rahasyamayi spinner suneel naraayan ne sveekaar kiya ki IPL chhah mein bane rahane ke liye unki team ko performance mein jaldi sudhaar karna hoga. Naraayan ne Budhvaar ko sachin ko behatareen of spin par bold kiya. Lekin unki team Mumbai Indians se haar gayi, jo saat maichon mein usaki paanchaveen haar hai. Unhonne kaha, 'Sachin ka wicket bahut bada tha, lekin har kisi par focus karna jaroori hai. Ummeed hai ki ham jeet ki raah par lauteinge. Haarna kisi ko achha naheen lagta. ' naraayan ne kaha ki kekeaar ko vaapasi ki ummeed hai, kyonki abhi nau match baaki hain. Unhonne kaha, 'Is tarah ke match har koi jeetna chaahata hai. Lekin hamein aur ekaagrata se khelna hoga. Hamein haalaat ke anukool jaldi dhalana hoga. Ek baar milkar ek unit ke roop mein khelne par ham jaroor jeeteinge. Ghareloo maidaan par hamesha har team jeetna chaahati hai. Is baar ham naheen jeet pa rahe lihaaja hamein baahar achha pradarshan karna hoga. '%