Hamaari Sarkaar Oonche Kar Mein Vishvaas Naheen Rakhati Arun Jetali
Breaking » Friday, July 25, 2014
Nai Delhi: pradhaanamantri Narendra Modi ke netrutv waali raashtreeya janataantrik gathabandhan (raajag) sarkaar oonche kar mein vishvaas naheen rakhati hai, kyonki isse rojagaar badhaane vaale nivesh rukate hain aur upabhokta baajaar se baahar hote hain. Yeh baat shukravaar ko vitt mantri arun jetali ne kahi. Loksabha mein vitt vidheyak 2014 par chal rahi charcha ke dauraan jetali ne kaha ki aam bajat ka mukhya dhyaan aarthik gatividhi badhaane aur uchch vikaas dar haasil karne par hai. unhonne kaha, hamaari sarkaar uchch kar waali sarkaar naheen hai. Adhik kar lagaane waali sarkaar kaarobaar ko badhaava naheen de sakti hai, kyonki isse desh ke utpaad apratispardhi ho jaate hain. Adhik kar se upabhokta bhi baajaar se bhaag jaate hain. Ek upabhokta utpaad khareedne baajaar jaata hai, kar khareedne naheen. unhonne sadan ko yeh bhi aashvaasan diya ki sarkaar pichhle tithi ke prabhaav se laagoo hone vaala kar naheen thonpegi. Kyonki kaarobaariyon par atirikt bojh padta hai aur niveshakon ko nakaaraatmak sanket deta hai. unhonne kaha, ham nivesh ka maahaul banaana chaahate hain.