Ham IPL Khitaab Bhi Jeet Sakte Hain Saimi

Cricket »

Ham IPL Khitaab Bhi Jeet Sakte Hain Saimi

Hyderabad. . Sunrisers Hyderabad ke all-rounder Darren saimi ne maujooda IPL mein team ki saataveen jeet ke baad bharosa jataaya ki unki team playoff mein pahunchegi. Khitaab jeetne ke savaal par saimi ne kaha, 'Mujhe lagta hai ki ham playoff mein pahunch jaaenge. Is samay hamaara lakshya yahi hai aur kaun jaanta hai ki ham IPL khitaab bhi jeet lein. Ham ek baar mein ek match par hi dhyaan lagaaenge aur apni laya mein sudhaar kareinge. ' vest Indies ke is khilaadi ne shanivaar raat Hyderabad ki Delhi Daredevils par mili jeet mein aham bhoomika ada ki. Unhonne do wicket chatakaane ke alaava naabaad paari bhi kheli. Saimi ne kaha ki vah IPL ka hissa banane ke liye betaab the. Unhonne kaha, 'Main IPL ka hissa banana chaahata tha. Main der se aaya aur mainne mauke ka intajaar kiya. Sirf mauke ka faayda uthaana hi maayane rakhata hai. ' unhonne kaha, 'Main khush hoon ki mainne mile maukon ka faayda uthaaya aur yah sunishchit karna chaahata hoon ki bataur team ham achha kareinge. Maidaan par ham parivaar ki tarah khelte hain aur tournament mein ham yahi dikha rahe hain. '

Ham IPL Khitaab Bhi Jeet Sakte Hain Saimi https://www.angrejinews.com/pic/7728