Haar Se Apni Team Ko Lekar Chintit Hain Rahul Dravid

Cricket » Sunday, April 21, 2013

Bengaluru. . Royal Challengers Bengaluru ke haathon shikast ke baad virodhi team ke maidaan par apni team ke record se chintit Rajasthan Royals ke captain Rahul Dravid ne kaha ki unki team ne ab tak apna sarvashreshth cricket naheen khela hai. Santulit team hone ke kaaran Dravid ko bharosa hai ki unki team aur maichon mein badhiya karegi. Dravid ne aaraseebi ke khilaaf shikast ke baad kaha, 'Tournament ke aage badhne ke saath virodhi team ke maidaan par jeet haasil karna aham hota jaaega. Humne apne maidaan par teenon match par kabja kiya hai. Virodhi ke maidaan par bhi humne ek match jeeta lekin do haar gaye. ' unhonne kaha, 'Hamein yahaan apne record mein sudhaar karna hoga. Yah lamba tournament hai. Ab tak humne apna sarvashreshth cricket naheen khela hai aur ummeed karta hoon ki ham aisa kar paaenge. ' Dravid ne kaha, 'Hamaari team ke baare mein ek cheej jo mujhe pasand hai vah yah hai ki yah santulit hai. Isse ham virodhi ke maidaan par achha pradarshan kar paate hain. Yahi kaaran hai ki main kuchh jyaada aashvast hoon. ' Bengaluru ke khilaaf haar ke baare mein Dravid ne kaha ki stuart binni ke saath unki saajhedaari tootane ke baad team apni raah se bhatak gayi. Unhonne kaha, 'Humne antim paanch over mein 50 run banaane ke liye socha tha aur 160 ka score banaana chaahate the. Bengaluru ke wicket par 150 se 160 run ki jaroorat thi aur ham yah jaante the. Durbhaagya se ham kabhi vah atirikt 30 run naheen bana paae jiski hamein match mein jaroorat thi. ' Dravid ne kaha ki team ko sirf ek aise ballebaaj ki jaroorat thi jo badi paari khele lekin aisa naheen ho paaya. Royals ke captain ne kaha ki 117 run ke score ka bachaav karna aasaan naheen tha lekin iske baavajood unke bowleron ne virodhi team ko aham mauke par jhatke diye jisse vah khush hain.