Haapud Aur Gadhmukteshvar Mein Vakeelon Ne Ki Hadtaal

India »

Haapud Aur Gadhmukteshvar Mein Vakeelon Ne Ki Hadtaal

ek samvaadadaata . Haapud mangalvaar ko sthaaneeya kachahari parisar mein peshi par aae aaropiyon par hue hamle aur goleebaari mein ek vakeel ke ghaayal hone ke virodh mein ek divseeya hadtaal ki gayi. Hadtaal mein janapad Ghaziabad, haapud aur gadhmukteshvar ke vakeel shaamil hue. Is dauraan sthaaneeya baar kaaunsil ke sabhaagaar mein aayojit baithak mein vakeelon ne police prashaasan se suraksha aur kachahari parisar mein PAC ko tainaat karne ki maang ki. Baithak ko sambodhit karte hue baar kaaunsil ke adhyaksh Akbar beg ne kaha ki kachahari parisar mein badmaashon dvaara bekhauf goleebaari karna ek gambhir masala hai. Is vaaradaat ko dhyaan mein rakhate hue police prashaasan ko chaahiye ki kachahari parisar ki suraksha ke liye ek sekshan peeesae bal tainaat kare. Saath hi unhonne vakeelon ke liye aarms license ko praathamikta ke aadhaar par jaari karne ki maang ki. Is dauraan adhivakta mukesh sharma ne suraksha ke lihaaj se kachahari parisar mein CCTV camere lagaane ki bhi maang ki. Baithak mein anil aajaad, deveindr Saxena, sanjaya kansal, Narendra maan, mukul tyaagi aadi vakeel bhi shaamil hue. Police adhikaariyon ne kiya daura mangalvaar ki ghatna ko dekhte hue Budhvaar ki subah police adheekshak ashok Kumar raaghav aur upper police adheekshak sudheer Kumar ne kachahari parisar ka daura kar policekarmiyon ko aavashyak disha-nirdesh diye. Is dauraan police adhikaariyon ne kachahari ki suraksha ke maddenajar sthaaneeya baar kaaunsil ke adhikaariyon ke saath baatcheet ki. Adhikaariyon ne kachahari ke mukhya gate par tainaat policekarmiyon ko sakht hidaayat di ki andar aane vaale vakeelon aur anya logon ko metal ditektar se jaanch karne ke baad hi entry di jaae. Sandigdh vyakti ko andar naheen aane diya jaae. Jail se peshi par aane vaale aaropiyon ki suraksha ke liye kachahari parisar mein bane havaalaat ke paas bhi bairikeding ki jaae. Iske baad donon adhikaariyon ne vakeelon se kachahari parisar ki suraksha vyavastha chaak-chauband karne ke baare mein sujhaav liye. Doosari taraf, ghatna ke baad se kachahari ki suraksha vyavastha sakht kar di gayi, jiske tahat kachahari gate par bairikeding ki gayi. Budhvaar ko kachahari parisar mein aane vaale vakeelon va anya logon ko metal ditektar se jaanch karne ke baad hi entry di gayi.

Haapud Aur Gadhmukteshvar Mein Vakeelon Ne Ki Hadtaal https://www.angrejinews.com/pic/4398