Haadason Ka Khel Hai Cricket

Cricket » Monday, April 1, 2013

Bhadr logon ka khel samajhe jaane vaale cricket ke khilaadi kai baar jaane-anajaane haadason ka shikaar bhi hote rahe hain. Bhaashkar Singh daal rahe hain in haadason par ek najar : Bahas aur hamla maidaan ke baahar agar khilaadi haadase ka shikaar hote hain, to amooman dekha gaya hai ki inmein unki galati jyaada hoti hai. Lekin new jeelaind ke cricketer JC rider ka maamala ulta hai. Aksar sharaab ke nashe mein khilaadiyon ki fains se bahas ho jaati hai. Lekin rider par halki bahas ke baad gambhir hamla kiya gaya, jisse vah coma mein chale gaye. Maana ja raha hai ki aaropi rider ko jaante the aur unke khel se niraash the. Filhaal rider ki haalat sthir hai, lekin unke cricket jeevan ko is haadase ne ek tarah se achaanak samet diya hai. Raftaar ne li jaan England ke cricketer ben holiok ko maidaan ke baahar apni jaan ganvaani padi thi, lekin vah ek sadak haadasa tha. Moolaroop se Australiaee naagrik ben 23 March 2002 apne bachapan ke school ke kaaryakram mein hissa lene ke liye Perth aae hue the. Kaaryakram ke baad vah apne faimili fankshan mein hissa lene ke liye apni porsh car se ja rahe the, jab car aniyantrit hokar deevaar se takara gayi. Is haadase mein 24 saal ke ben ki maut ho gayi. Ben ne apne intaranaishanal career ka aakhiri match Bhaarat ke khilaaf khela tha. Vah ek all-rounder the aur do test aur 20 van de match khele the. Maut ki gutthi cricket ke maidaan ke baahar sabse bhayankar vaaradaat 2007 ke world cup ke dauraan Pakistan ke coach Bob voolmar ke saath hui thi. Vest Indies mein ho rahe ICC ke is tournament ke dauraan 18 March 2007 ko Pakistan ki team ko Ireland ne haraakar tournament se baahar kar diya tha. Jamaika ke apne hotel ke kamre mein agale din Bob ki laash mili. Kairibiyaai athauriti tay naheen kar paai ki yah hatya ka maamala tha ya naicharal death ka. Haalaanki Bob ki patni ne saaf taur par hatya ka aarop lagaaya tha. Bob ka bhi Bhaarat se kanekshan tha. Unka janm uttar pradesh ke Kanpur shahar mein 18 March 1948 ko huaa tha. Vah England aur south Africa ke coach bhi rahe the.