HC Blaast Case Malik Ke Khilaaf Somvaar Se Shuroo Sunavaai

Breaking »

HC Blaast Case Malik Ke Khilaaf Somvaar Se Shuroo Sunavaai

Nai Delhi. . Delhi uchch nyaayaalaya mein September, 2011 mein hue bam visfot kaand mein kathit bhoomika ke aarop mein giraftaar vaseem Akram malik ke khilaaf adaalat mein somvaar se mukadame ki sunavaai shuroo hogi. Is visfot kaand mein 15 vyakti maare gaye the. Vishesh NIA adaalat ne malik ke khilaaf Bhaarat ke virooddh yuddh chhedne sahit vibhinn aaropon mein abhiyog tay kiye the. Adaalat ne is maamale mein saakshya darj karne ke liye ek April ki taareekh tay ki thi. Jila nyaayaadheesh I S Mehta is maamale mein sah aaropi se sarkaari gavaah bane Aamir Abbas Dave ka bayaan rekaurd karke mukadame ki sunavaai shuroo kareinge. Aamir Abbas Dave ko bhi raashtreeya jaanch agency ne usaki kathit bhoomika ke aarop mein giraftaar kiya tha lekin baad mein vah sarkaari gavaah ban gaya aur adaalat ne use kshama kar diya. Adaalat ne malik ke khilaaf bhaarateeya dand sanhita ki dhaara 121 (desh ke virooddh yuddh chhedna), dhaara 121e (raashtra ke khilaaf aparaadh karne ki saajish rachana), dhaara 122 (sarkaar ke khilaaf yuddh chhedne ke iraade se hathiyaar ikattha karna) aur dhaara 123 (yuddh chhedne ki mansha se tathyon ko chhipaane) ke aarop mein abhiyog nirdhaarit kiye hain. Isse pehle, nichli adaalat ne Bhaarat ke khilaaf yuddh chhedne jaise sakht aarop mein malik par mukadama chalaane ka raashtreeya jaanch agency ka anurodh thukara diya tha. Nichli adaalat ka kehna tha ki is visfot ke baad aaropi dvaara sansad par aatanki hamle ke doshi Afzal guroo ki rihaai ka jikr karne vaale ek imel ke aadhaar par desh ke khilaaf aparaadh ka maamala naheen banta hai. Uchch nyaayaalaya ne pichhle saal teen December ko nichli adaalat ko aadesh diya tha ki malik ke khilaaf desh ke virooddh yuddh chhedne ke aarop mein abhiyog nirdhaarit kiya jaae. Is aarop mein maut ki saja tak ka praavadhaan hai. Malik is samay nyaayik hiraasat mein tihaad jail mein band hai.

HC Blaast Case Malik Ke Khilaaf Somvaar Se Shuroo Sunavaai https://www.angrejinews.com/pic/3955