Gutakhe Par Ban Ke Baad Lauti Paan Ki Raunak

India »

Gutakhe Par Ban Ke Baad Lauti Paan Ki Raunak

IANS . Lucknow uttar pradesh mein in dinon gutakha par ban lag jaane ke baad paan ki raunak fir laut I hai. Paan ki maang mein kaafi teji aa gayi hai. Gutakha ke lati ab paan ka sevan kar rahe hain. Achaanak badhi maang ne paan ke patte hi naheen, paan ki gilauriyon ke bhaav bhi badha diye hain. Isse paan kaarobaariyon mein khaasa utsaah hai. Rajdhani Lucknow ki paan dareeba mandi mein paan ke kareeb dedh sau bade-chhote kaarobaariyon ka vyavasaaya ek baar fir chamak utha hai. Paan ke kaarobaari bataate hain ki March khatm hone ke saath hi paan ke patte ki achaanak badhi maang se iski khapat 20 feesadi tak badh gayi hai. Pehle rajdhani mein jahaan paan ki pratidin ki khapat 70 se 80 quintal thi, vaheen ab yah badh kar 100 quintal ke kareeb pahunch gayi hai. Pradesh ke baahar ke paan utpaadak jilon se rajdhani mein jahaan pehle truck va anya vaahanon se 60 quintal maal aata tha, vah ab badhkar 80 quintal ho gaya hai. Isi prakaar train ke maadhyam se aane vaala 10 se 15 quintal maal ab badhkar 20 quintal tak pahunch gaya hai. Maujooda samay mein paan dareeba mandi mein Bengal se aane vaale saste kalakatiya paan ke alaava mahoba ke desi paan ke patte ki maang adhik hai. Is sambandh mein raashtreeya chaurasiya samaaj va paan kisaan union uttar pradesh Lucknow ke mahaasachiv chhotelaal chaurasiya ne bataaya ki pradesh ke kareeb 21 jilon mein pichhle dinon paala va thand ke chalte paan ki kheti kaafi had tak prabhaavit rahi. Is vajah se achaanak badhi maang ke chalte ab Bihar se bhi paan ke saste patton ko mangaaya ja raha hai. Kuchh paan banaaras, sahaaranapur, Allahabad, Gorakhpur, devariya, prataapagadh, sultaanapur, Aligadh va bareli ki mandiyon se bhi mangaaya ja raha hai. Paan ki aam gumatiyaan lagaane vaale log jahaan sasta patta khareed rahe hain, vaheen ab gutakha ke shaukeenon ka rujhaan paan ki or badhne se paan ka achha va mahanga patta bhi khareedne mein dukaanadaar peechhe naheen hain. Yahi vajah hai ki saanchi Bihar se aane vaala meetha paan patta ke saath hi Bengal ka saunfiya, tapori, kapoori, maghai, udeesa ka jagannaathi paan ke patta ki bhi maang achaanak badhne se inke bhaav bhi oopar chadhne lage hain. Yahi naheen paan ki gilauriyon ki maang badhne ke saath hi ismein prayog kiye jaane vaale choona, kattha, supaari, pipramint ityaadi ki bhi khapat badhne se inke bhaav bhi bees parseint tak chadh gaye hain.

Gutakhe Par Ban Ke Baad Lauti Paan Ki Raunak https://www.angrejinews.com/pic/4933