Guru Se 'Svarg Mein Milne Ke Liye 3 Ne Aag Mein Koodakar Jaan Di

Breaking »

Guru Se 'Svarg Mein Milne Ke Liye 3 Ne Aag Mein Koodakar Jaan Di

Beedar. . Karnataka ke baahari ilaake ke ek math mein apne guru ki rahasyamayi maut se dukhi unke teen shishyon ne kathit taur par aag lagaakar khudakushi kar li. Bidr ke DSP veeemajyoti ne kaha ki chouli math ke teen shishya jagannaath svaami (21), sharanya svaami (18) aur vi Reddy svaami (50) ne kathit roop se khudakushi kar li. Math parisar ke bheetar jama lakdi mein aag laga kar teenon usamein kood gaye. Ganesh avadhoot svaami ki chhah hafte pehle rahasyamayi haalaat mein maut ke baad teenon shishyon ne yah kadam uthaaya. Police avadhoot svaami ki maut ki jaanch kar rahi hai. Ghatna par shok jataate hue mukhyamantri jagadeesh shettaar ne kaha ki guru ki maut, ek anya saadhu ka laapata ho jaana aur ab teen saadhuon ke aatmadaah ki 'Yah dukhad ghatna' pehle jaisi hai. Unhonne ek bayaan mein kaha, 'Sarkaar maamale ki jaanch ke liye aavashyak kadam uthaaegi aur sachchaai ka pata lagaaegi. ' chita ke paas mile ek sooisaaid not mein likha hai, 'Hamaara koi dushman naheen hai. Ham vahaan chale jaaenge jahaan hamaare guru chale gaye. Hamaare liye Bhagwan hi sab kuchh hai. Krupaya kisi ko pareshaan naheen karein. ' math ki sthaapana 25 saal pehle ganesh avadhoot ne ki thi. Unka ek shishya January mein laapata ho gaya aur usaka koi pata naheen hai. Sampatti sambandhi vivaadon ko lekar chaauli math vivaadon mein raha hai.

Guru Se 'Svarg Mein Milne Ke Liye 3 Ne Aag Mein Koodakar Jaan Di https://www.angrejinews.com/pic/4968