Gulashan I Homj Ke Khilaaf Shikaayat Darj

Business »

Gulashan I Homj Ke Khilaaf Shikaayat Darj

Noida. . Supreme court ke faisale se prabhaavit shaahaberi gaanv ke praujekt ko roja yaakoobapur shift karne ke bayaan ke baad achaanak praujekt radd karne aur flat baayars ke saath dhokhaadhadi karne ke maamale mein 100 se adhik graahakon ne greater Noida vest ke bisrakh thaane mein gulashan I homj ke khilaaf shikaayat darj karaai. Isse pehle kai daur ki baatcheet ke baad bhi gulashan I homj ke director flat baayars ko diye gaye bharose par khare naheen utare. Supreme court ke faisale ke kareeb dedh saal baad flat baayars ko 12 feesadi byaaj ke saath rakam vaapas karne ke faisale ke khilaaf baayars ne ravivaar ko pradarshan kiya. Flat baayars ka aarop hai ki jis samay court ka faisala aaya, agar usi samay company graahakon ko paisa vaapas kar deti, to ve doosare bildar ke praujekt mein shift ho jaate. Noida eksateinshan flat onars welfare asosiyeshan (nefova) ke prejideint Abhishek Kumar ne kaha, 'Ab jab ilaake mein flat ki keemat double ho chuki hai, flat baayars 12 feesadi byaaj ke saath rakam lekar kya kareinge. ' Kumar ne kaha ki bahut se baayars ne company ko flat ki keemat ka 50 feesadi tak pemeint kar diya tha, ab unke flat khareedne ka sapana kaise poora ho paaega. Nefova bildar ke khilaaf kaanooni kaarravaai karne ki yojana bana rahi hai. Ravivaar ko greater Noida vest mein pradarshan aur uske baad bisrakh thaane mein 100 shikaayat darj karaane ke baad nefova ki general sekretari Shweta bhaarati ne kaha, 'Bildar ne greater Noida athauriti ke CEO ke saamane hui baatcheet ka bhi khyaal naheen rakha. Ab baayars ke paas flat kainsal karne ke letar aa rahe hain. Bildar greater Noida vest mein jameen naheen hone ka havaala dekar praujekt radd kar raha hai, isliye ab ham kaanooni ladaai ke baare mein vichaar kar rahe hain. ' unhonne kaha ki pehle graahakon ko maamala sulajhaane ka aashvaasan mila tha aur pichhle somvaar ko kaha gaya ki ab kuchh naheen ho sakta. Bhaarati ne kaha ki flat baayars ke saath is tarah ki dhokhaadhadi karne vaale bildar ke khilaaf kade kadam uthaane ki bhi maang ki ja rahi hai.

Gulashan I Homj Ke Khilaaf Shikaayat Darj https://www.angrejinews.com/pic/5601