Gujarat Ke Baahar Hoga Asiaee Sheron Ka Doosra Ghar

Breaking »

Gujarat Ke Baahar Hoga Asiaee Sheron Ka Doosra Ghar

Nai Delhi. . Asiaee sheron ka doosra ghar ab Gujarat ke baahar hoga. Supreme court ne somvaar ko kendra sarkaar ko nirdesh diya ki vah Asiaee sheron ko Gujarat ke gir jangalon se madhya pradesh ke kuno abhyaaranya le jaae. Court ne kaha ki Asiaee sheron ko kisi mahaamaari ya jangali aag ke kaaran vilupt hone se bachaane ke liye doosare ghar ki jaroorat hai. Supreme court ne paryaavaran evam van mantraalaya ka vah faisala radd kar diya jiske tahat naameebiya se laae gaye afreeki cheeton ko kuno abhyaaranya mein basaana tha. Court ne kaha ki mantraalaya ka yah faisala manamaana aur gair-kaanooni hai aur yah vanyajeev sanrakshan kaanoon ke tahat bataai gayi vaidhaanik sharton ka khule taur par ullanghan hai. Nyaayamoorti ke S Radhakrishnan aur nyaayamoorti si ke prasaad ki khandapeeth ne Gujarat sarkaar ki is daleel ko khaarij kar diya ki Asiaee sher uske parivaar ke sadasya ki tarah hain aur unhein alag naheen kiya ja sakta. Khand peeth ne yah bhi kaha ki vilupt hone ki kagaar par khadi prajaatiyon ke sanrakshan evam suraksha ke liye vishesh kaanoon banaakar amal mein laaya jaae. Supreme court ne kaha ki Asiaee sheron ki sankhya unke shikaar ke aadhaar aur isse jude anya kaarakon par nirbhar karega.

Gujarat Ke Baahar Hoga Asiaee Sheron Ka Doosra Ghar https://www.angrejinews.com/pic/5636