Greater Noida Ki Flat Skeem Mein Bankon Ki Berukhi

Business » Wednesday, April 17, 2013

iti bureau Noida greater Noida athauriti ki idablyooes flat skeem ke liye eplikeshan mani ko koi bank finance karne ke liye aage naheen aaya hai. Shuruaat mein haalaanki do bankon ne eplikeshan mani ke liye finance upalabdh karaane par vichaar karne ka aashvaasan diya tha, lekin baad mein doosare bankon ka rukh dekhkar unhonne bhi haath khade kar diye. Nakadi ki kami ke sankat se joojh rahi athauriti ke liye yah bada jhatka hai. Prauparti market ke eksaparts ka maanana hai ki is tarah ke flat ke liye 80,000 rupae ke saath aavedan karne mein logon ko dikkatein aaengi, jiski vajah se skeem apne uddeshya se bhatak sakti hai. Greater Noida athauriti ne April mein 7,215 flat ki skeem nikaali thi. Aamtaur par Delhi-NCR mein bank is tarah ki housing skeem ke liye ekamusht 5,000 ya 7,000 rupae lekar shuruaati pemeint ko finance kar dete hain. Agar aavedak ka naam draw mein aata hai to unhein baaki rakam ek nirdhaarit samay mein jama karaani hoti hai aur agar naam naheen nikla to yah rakam bank byaaj ke roop mein rakh leta hai. Ek sarkaari bank ke adhikaari ne kaha, 'Is samay athauriti ki vitteeya sthiti theek naheen hai. Bankon ne vichaar karne ke baad eplikeshan amaaunt finance naheen karne ka faisala kiya hai. Yah daraasal maujooda samay ko dekhte hue liya gaya faisala hai. ' unhonne kaha ki baad mein athauriti ki doosari yojanaaon ke liye is samay kuchh naheen kaha ja sakta. 29.76 meter ke plaut par banane vaale flat ki keemat 7.52 lakh rupae se lekar 8.63 lakh rupae tak hai jiske liye eplikeshan jama karte vakt 80,000 rupae dene hain. Greater Noida mein prauparti dealer raajaveer bhaati ne kaha, 'Agar bank is rakam ko finance naheen kareinge to ismein aavedan karne vaalon ki sankhya bahut kam rah jaaegi. Iske alaava skeem mein aise log aavedan kareinge jinke paas nakadi hai, jisse jarooratamand logon ko makaan naheen mil paaega. ' bhaati ne kaha ki ek baar draw nikalne ke baad flat ki keemat aur badh jaaegi.