Govardhan Parikrama Ke Dauraan Roosi Danpati Se Lootpaat

India »

Govardhan Parikrama Ke Dauraan Roosi Danpati Se Lootpaat

bhaasha . Mathura : UP ke Mathura janapad mein shukravaar ko govardhan mein giriraaj ji ki parikrama kar rahe roosi danpati ko 2 yuvakon ne loot liya. Badmaash unase bag chheen le gaye, jismein 7 hajaar ki nakadi, visa aadi jaroori kaagajaat the. Police ne bataaya ki roosi danpati laaramonoaa aur usaka pati oksan shukravaar ko apne kuchh saathiyon ke saath giriraaj ji ki parikrama laga rahe the. Jab ve apne saathiyon se kuchh peechhe rah gaye to 2 yuvak unke paas pahunche aur dhamakaate hue bag chheen le gaye. Ghatna ki jaankaari milne par seeo sadar atul shreevaastav khud mauke par pahunche aur maamale ki chhaanabeen ki. Isse pehle isi saptaah barasaana mein bhi videshi shraddhaaluon ko lootane ki koshish ki gayi thi, lekin sthaaneeya logon ke sahayog se 2 luteron ko pakad kar police ke havaale kar diya gaya tha.

Govardhan Parikrama Ke Dauraan Roosi Danpati Se Lootpaat https://www.angrejinews.com/pic/4720