Govaa Bas Mein Mahila Seat Par Baithe Mile To 100 Rupaye Jurmaana

India » Tuesday, March 26, 2013

Panaji. . Goa ki bason mein mahilaaon ke liye reserve seatein shukravaar ko antararaashtreeya mahila diwas se doguni kar di jaaengi aur aarakshan niyamon ka sakhti se paalan kiya jaaega. State transport director arun Desai ne bataaya ki mahilaaon ke liye bason mein reserve seaton ki sankhya badhaai jaaegi aur ise mahila diwas se laagoo kiya jaaega. Unhonne bataaya ki seaton ki sankhya badhaae jaane ka faisala raajya parivhan praadhikran (esateee) ki mangalvaar ko hui baithak mein kiya gaya. Desai ne bataaya ki raajya sarkaar ne niji aur sarkaari bason mein rijrveshan niyamon ka sakhti se paalan karne ka nirnaya liya hai. Yadi koi purush mahilaaon ke liye reserve seat par baitha pakada jaata hai to use aur conductor ko 100-100 rupaye jurmaana dena hoga. Nae niyamon ke anusaar 37 seaton waali bason mein mahilaaon ke liye aath seatein reserve ki jaaengi, jabki badi bason mein 12 reserve seatein hongi. Parivhan vibhaag ne aarakshan niyamon ke paalan par najar rakhane ke liye ek vishesh dal ka gathan karne ka faisala kiya hai