Goshaala Dekhne Ke Bahaane Loksabha Ke Liye Haryana Mein Jameen Taiyaar Karne Utareinge Kejriwal

Breaking »

Goshaala Dekhne Ke Bahaane Loksabha Ke Liye Haryana Mein Jameen Taiyaar Karne Utareinge Kejriwal

Chandigarh Haryana ke schoolon aur aspataalon ke baad ab Arvind Kejriwal ki nigaah Haryana ki goshaalaaon par tik gayi hai. Vah ravivaar se pradesh ki goshaalaaon ka nireekshan kareinge. Is kadi mein Kejriwal soneepat, Rohtak aur hisaar Loksabha kshetr mein padne waali goshaalaaon ki dasha ka muaayana kareinge. Pichhle kuchh samay se Haryana ki raajaneeti mein jadein jamaane ki koshish mein lage aam aadmi party ke raashtreeya sanyojak aur Delhi ke mukhyamantri Kejriwal ne abatak Haryana ke schoolon aur aspataalon ki haalaton ko dekhkar raaj‚Äćaaya ki BJP sarkaar par nishaana saadha tha. Ab unka ajeinda aur jyaada bada ho gaya hai. Haryana ki sattaaroodh BJP pichhle chaar saal ke dauraan gaaya aur geeta ke naam par kaafi gatividhiyaan chala chuki hai, goshaalaaon aur gaayon ki dekhbhaal ko lekar uske apne daave hain. Kejriwal inheen daavon ki sachchaai jaanane aur janta ke saamane poori tasveer pesh karne ke liye sakriya ho rahe hain. Apne is abhiyaan se pehle Kejriwal ne Haryana ke goshaala sanchaalakon aur sthaaneeya logon ke saath kai baithakein ki aur Delhi bulaakar apne yahaan ki vyavastha dikhaai thi. Kejriwal apne abhiyaan ki shuruaat soneepat Loksabha kshetr se kar rahe hain. Vah Rohtak, hisaar aur anya Loksabha kshetr mein padne waali ki goshaalaaon ka bhi muaayana kareinge. Kejriwal 13 January ko gaanv saidapur athagaama goshaala, Delhi-kharakhoda road, soneepat, 14 ko gaanv mokhara, shreekrushn goshaala samiti, Rohtak aur 15 January ko goshaala saala deri daatta haansi, hisaar pahuncheinge. Gaaya ke mudde par ghirti rahi hai BJP sarkaar BJP sarkaar gaaya aur goshaalaaon ke mudde par vipaksh ke nishaane par rahi hai. Vipaksh pradesh mein besahaara pashuon aur isse pesh aane waali samasyaaon ko mudda banaata raha hai. Misaal ke taur par Congress ne besahaara pashuon ke saath selfi abhiyaan chalaakar BJP sarkaar ki pol kholne ka prayaas kiya tha. Haryana mein is samay kareeb ek lakh 5 hajaar se jyaada laavaaris govansh sadkon par ghoom rahe hain. Sanvedanaheenata ka aalam ye hai ki jeend aur saahaabaad ki goshaalaaon mein darjanon gaayon ki maut ho chuki hai. Haryana goseva aayog ki taraf se goshaalaaon ko 22 karod 97 lakh 71 hajaar 366 rupaye ka anudaan bhi diya gaya hai. Pehle pradesh mein 360 goshaalaaen theen, jinmein 2 lakh 65 hajaar govansh the. Pichhle teen saal ke dauraan pradesh mein 160 goshaalaaen kholi gain jisse pradesh ki sabhi goshaalaaon mein ab lagbhag 3 lakh 85 hajaar govansh ka paalan poshan ho raha hai. 'Aap' ke pradesh adhyaksh naveen jayahind ka kehna hai, 'Pradesh ki BJP sarkaar ne gaayon ki raksha aur seva ka jhootha vaada karke bada paap kiya hai. Pradesh mein gaayein sadkon par laavaaris ghoom rahi hain aur kachara khaane ko majaboor hain. Is vajah se sadak haadase bhi ho rahe hain. '

Goshaala Dekhne Ke Bahaane Loksabha Ke Liye Haryana Mein Jameen Taiyaar Karne Utareinge Kejriwal https://www.angrejinews.com/pic/247344