Gorakhadhaam Train Haadasa Marne Vaalon Ki Sankhya 22 Hui, 103 Ghaayal

Breaking »

Gorakhadhaam Train Haadasa  Marne Vaalon Ki Sankhya 22 Hui, 103 Ghaayal

Santakabeer nagar: uttar pradesh ke sant kabeeranagar mein chureb railway station ke paas somvaar ko hue train haadase mein marne vaalon ki sankhya badhkar 22 ho gayi hai. jilaadhikaari bharat laal ne bataaya ki raatabhar chale bachaav kaarya ke dauraan kshatigrast bogiyon se aath aur shav baraamad hue. Iske saath hi is bheeshan train haadase mein marne vaalon ki sankhya 14 se badhkar 22 ho gayi hai. pad sambhaalne ke baad apne pehle nirnaya mein pradhaanamantri Narendra Modi ne uttar pradesh mein somvaar ko hui train durghatana mein maare gaye logon ke parijanon ko do-do lakh rupaye aur gambhir roop se ghaayal hue logon ko pachaas-pachaas hajaar rupaye ki sahaayata dene ki aaj ghoshana ki. unhonne bataaya ki haadase mein 103 log ghaayal hue hain, jinhein sant kabeeranagar tatha basti ke vibhinn aspataalon mein bharti karaaya gaya hai. Haalaanki unamein se jyaadaatar logon ko praathamik upachaar ke baad chhutti de di gayi hai . Ghaayalon mein se 15 ki haalat naajuk bataai jaati hai, lihaaja mrutakon ki sankhya badh bhi sakti hai. gaurtalab hai ki Delhi se Gorakhpur jaane waali gorakhadhaam express kal chureb railway station ke paas sandigdh roop se patari tootane ki vajah se loop line par khadi maalagaadi se ja takaraai thi. Haadase mein gorakhadhaam express ke engine ke do tukade ho gaye aur chaar saamaanya bogiyon samet uske chhah dibbe kshatigrast ho gaye the. jilaadhikaari ne bataaya ki bachaav kaarya abhi jaari hai aur shavon tatha fanse hue yaatriyon ki maujoodagi ki aashanka ke maddenajar bogiyon ko gas katar se kaata ja raha hai.

Gorakhadhaam Train Haadasa Marne Vaalon Ki Sankhya 22 Hui, 103 Ghaayal https://www.angrejinews.com/pic/51850