Gopeenaath Munde Ke Nidhan Ke Kaaran Sheersh Naukarashaahon Ke Saath PM Narendra Modi Ki Baithak Sthagit

Breaking »

Gopeenaath Munde Ke Nidhan Ke Kaaran Sheersh Naukarashaahon Ke Saath PM Narendra Modi Ki Baithak Sthagit

PM Narendra Modi PM Narendra Modi Nai Delhi: pradhaanamantri Narendra Modi ki mangalvaar ko vibhinn mantraalayon ke sheersh naukarashaahon ke saath baithak sthagit kar di gayi. Keindreeya graameen vikaas mantri gopeenaath munde ke nidhan ke kaaran aisa kiya gaya. Modi ko vibhinn vibhaagon aur mantraalayon ke 79 sachivon se mangalvaar shaam mulaakaat karni thi. Yeh mulaakaat agale 100 din ke liye unki sarkaar ki kaaryayojana par baatcheet ke liye honi thi. Ghatnaakram se parichit ek sootr ne kaha ki baithak sthagit kar di gayi hai. Koi nai taareekh naheen bataai gayi hai. Munde ka mangalvaar subah ek sadak haadase mein nidhan ho gaya. sarkaari sootron ne bataaya ki pradhaanamantri apni aakaankshaaon ki soochi taiyaar kar fir sachivon se unki kaaryayojana ka byora bataane ko kah sakte hain. Cabinet sachivaalaya ne sachivon se pradhaanamantri ke liye 10 slaaid prastutikran taiyaar karne ko kaha tha, jismein poorv sarkaar ki safalta aur viflataaon ka jikr ho aur agale paanch saal ke liye kya kiya jaana hai, ye ullekh ho. sootron ne haalaanki kaha ki mangalvaar ki baithak ke liye koi prastutikran dene ki yojana naheen thi aur pradhaanamantri ko keval sachivon se baatcheet karni thi. Lambit muddon aur faisalon ko niptaane ke alaava BJP sarkaar samayabaddh dhang se buniyaadi dhaancha pariyojanaaon ko poora kar, praakrutik sansaadhanon ke dohan aur nivesh badhaakar aarthik vikaas ko gati dena chaahati hai.

Gopeenaath Munde Ke Nidhan Ke Kaaran Sheersh Naukarashaahon Ke Saath PM Narendra Modi Ki Baithak Sthagit https://www.angrejinews.com/pic/52665