Google Par Khojane Se Badaayoon Jaisi Ghatnaaen Desh Bhar Mein Mileingi Akhilesh Yadav

Breaking »

Google Par Khojane Se Badaayoon Jaisi Ghatnaaen Desh Bhar Mein Mileingi  Akhilesh Yadav

Akhilesh Yadav ki file tasveer Akhilesh Yadav ki file tasveer Lucknow: badaayoon saamoohik balaatkaar aur hatyaakaand ko lekar kadi aalochanaaen jhel rahe uttar pradesh ke mukhyamantri Akhilesh Yadav ne mangalvaar ko kaha ki Google par khojane se pata chalega ki desh bhar mein is tarah ke aparaadh ho rahe hain. Unhonne uttar pradesh mein saamane aa raheen is tarah ki ghatnaaon ko lekar media par adhik prachaar karne ka aarop lagaaya. Akhilesh ne cabinet ki baithak ke baad samvaadadaataaon se kaha, jab is tarah ki ghatnaaen hoti hain, to unka bahut prachaar kiya jaata hai. Is tarah ki ghatnaaen keval uttar pradesh mein naheen ghatateen aur agar main aapko desh bhar ka aakanda doon, to aap mujhse fir savaal poochheinge. Unhonne kaha, Google ka jamaana hai. Agar aap online jaakar dekheinge, to pata chalega ki kahaan-kahaan is tarah ki ghatnaaen hoti hain. mukhyamantri ne savaal kiya ki kya raashtreeya media ne Bengaluru mein ghati badaayoon jaisi hi ghatna ko is tarah dikhaaya. Unhonne kaha, Bengaluru mein ghatna hui, kya vah channelon par dikhi. . . Madhya pradesh mein lagaataar ghatna ho rahi hai. Mujhe jaankaari mili ki vahaan ke bade mantri ke parivaar ki sadasya ki chen unke ghar ke paas hi kheench li gayi. Rajasthan ki haalat aapke saamane hai. Sirf uttar pradesh hi jaanboojhkar dikhaai de raha hai. Akhilesh ne kaha, badaayoon ki ghatna ya pradesh mein koi ghatna agar hui hai, to humne kadi kaarravaai ki hai. Badaayoon mein ham jo-jo kadam utha sakte the, uthaae. CBI ki jaanch hogi. Pradesh mein kaheen bhi koi ghatna hui, to usamein kaarravaai ki gayi hai. kuchh din pehle Kanpur mein jab Akhilesh se ek samvaadadaata ne badaayoon maamale ka jikr karte hue raajya mein kaanoon-vyavastha par savaal kiya tha, to mukhyamantri ne javaab diya tha, aapko to khatra naheen hai. Jab patrakaar ne 'Naheen' mein javaab diya, to Akhilesh ki pratikriya thi, dhanyavaad. Aapko iska prachaar karna chaahiye.

Google Par Khojane Se Badaayoon Jaisi Ghatnaaen Desh Bhar Mein Mileingi Akhilesh Yadav https://www.angrejinews.com/pic/52678