Goli Khaakar Chukaai Bahaaduri Ki Keemat

India »

Goli Khaakar Chukaai Bahaaduri Ki Keemat

bhaasha . Kanpur mahila ke gale se sone ki chen lootakar bhaag rahe badmaashon ko ek shakhs ne daudaakar pakadna chaaha to usako is bahaaduri ki keemat badmaashon ki goli khaakar chukaani padi. Aspataal le jaate samay indrajeet Singh naamak is shakhs ki maut ho gayi. Uske parivaar mein usaki patni aur ek bachcha hai. Police pravakta ne bataaya ki shaastri nagar mein gulamohar apaartameint nivaasi sarita Budhvaar raat kaakaadev se apne ghar rikshe se laut rahi thi. Apaartameint ke gate ke paas rikshe se utarakar vah rikshe vaale ko paise dene lagi. Isi dauraan peechhe se aae do baaik savaar badmaashon ne tamanche ki nok par sarita ke gale ki chen jhapat liya aur bhaagane lage. Badmaashon ke haath mein pistol dekhkar sab dar gaye, lekin kuchh logon ne shor machaaya. Is aavaaj par thodi door par apni saaikal ki dukaan par baitha indrajeet Singh (40) utha aur usane baaik par baithe badmaashon ko dabochane ki koshish mein unki baaik ke aage kood gaya. Inndrajeet ne baaik chala rahe yuvak ko pakad liya. Is par baaik par peechhe baithe badmaash ne indrajeet ke seene se sataakar desi pistol se fire kar diya aur faraar ho gaye. Indrajeet goli se ghaayal hokar gir pada. Goli chalne ki aavaaj sunakar aaspaas ke logon ne use uthaaya aur hailat aspataal le gaye, jahaan der raat doctoron ne use mara ghoshit kar diya. Is ghatna se aaspaas ke logon mein gussa bhar gaya. Der raat ghatna sthal par pahunche police ke aala adhikaariyon ne poochhataachh ki aur logon se vaayada kiya ki jald hi hatyaaron ko giraftaar kar liya jaaega. Police ne maamala darj kar aaropiyon ki talaash shuroo kar di hai.

Goli Khaakar Chukaai Bahaaduri Ki Keemat https://www.angrejinews.com/pic/7507