Goldaman Ko Hai Modi Ki Jeet Se Sudhaar Ki Ummeed

Business »

Goldaman Ko Hai Modi Ki Jeet Se Sudhaar Ki Ummeed

Nai Delhi Loksabha chunaav mein BJP ko spasht bahumat se desh mein sanrachanaatmak sudhaaron va behtar nivesh maahaul ki ummeed bani hai. Goldaman saiks ki jaari ek report mein kaha gaya hai ki Bhaarat ki aarthik vruddhi dar 2015-16 mein badhkar 6.5 pratishat par pahunch jaaegi. Vaishvik vitteeya seva company ke anusaar BJP ki aitihaasik jeet se sudhaaron ko lekar ummeed badhi hai. Goldaman saiks ne kaha, 'Sanrachanaatmak sudhaaron se desh ki vruddhi ki kshamata mein ijaafe ki ummeed manoneet pradhaanamantri Narendra Modi ke pichhle record ko dekhte hue lagaai ja rahi hai. Modi 12 saal tak desh ke sabse teji se vruddhi karte raajya Gujarat ke mukhyamantri rahe hain. ' goldaman saiks ke arthashaastri tushaar poddaar va vishaal vaibhav ne kaha, 'Hamaara yeh vichaar hai ki nai sarkaar poorv mein rooke pade sudhaaron ko aage badhaane mein kaamayaab rahe, jisse aarthik vruddhi dar badh sakegi. ' goldaman saiks ke anusaar Bhaarat ki aarthik vruddhi dar 2013-14 ke 4.6 pratishat se badhkar 2015-16 mein 6.5 pratishat par pahunch jaaegi. Nivesh maang mein sudhaar va niryaat badhaऊae se desh ki arthavyavastha aage badhegi. Report mein kaha gaya hai ki chaaloo vitt varsh mein sakal ghareloo utpaad ki vruddhi dar 5.5 pratishat rahegi. Haalaanki saamaanya se kam maunasoon ki sthiti mein iske neeche ki or jaane ka jokhim bana rahega.

Goldaman Ko Hai Modi Ki Jeet Se Sudhaar Ki Ummeed https://www.angrejinews.com/pic/51599