Gold Mein Bhaari Giraavat Se Buri Fansi Vinsam

Business » Tuesday, April 23, 2013

sugaata ghosh/Ram sahagal Mumbai. . Mid-saaij joolar vinsam mushkil mein hai. Isne gold par bada daanv lagaaya tha, jo ab use bhaari pad raha hai. Isse deal karne vaale leeding intaranaishanal buliyn bank company se apna paisa maang rahe hain. Khabar hai ki standard bank of south Africa, standard chaartard London aur skotiya bank company ke chhoti rakam par difault karne ke baad 4,000 karod rupae ke letars of kredit (elasi) ko bhunaane ki taiyaari kar rahe hain. Pehle is company ka naam soo-raaj daayamands tha. Mumbai ke jhaaveri baajaar, buliyn tredars aur daayamands haauson aur Ahmedabad mein trade se jude jin logon ko is difault ka pata chala hai, ve jaanane ki koshish kar rahe hain ki vinsam daayamands aind jvailari ne ofashor bankon aur kai lokal leindars se kis tarah ki deal ki thi. Bhaarat ke kareeb darjan bhar bankon ne teen buliyn bankon ke naam elasi ishyoo kiye the. Ismein tay rakam chukaane ka vaada kiya jaata hai. Ise baayars ke bank ishyoo karte hain. Isse selars ko bharosa hota hai ki deal agar sharton ke mutaabik hoti hai, to unki rakam unhein milegi. Videshi bankon ne kareeb 500 karod rupae ke elasi par difault karne ke baad company ke khilaaf morcha khola hai. Is maamale se vaakif ek sootr ne bataaya, '4,000 karod ke elasi mein ab tak kai ki dyoo det baaki hain. Inmein se kuchh vinsam group ki companiyon ke liye ishyoo kiye gaye the. ' agar bank ko baayar ke difault karne ka dar ho, to ve maichyor hone se pehle use bhunaane ka daava kar sakte hain. Market mein khabar hai ki company ne oonchi keemat par gold inport karne ka agreemeint kiya tha. Haalaanki, keemat mein tej giraavat ke baad vah isse peechhe hat rahi hai. Is saal gold ki keemat 14 feesadi gir chuki hai. Vinsam ke director (faainains) ramesh paarikh ne market ki atkalon ko galat bataaya. Jin bhaarateeya bankon ne company ke liye elasi ishyoo kiye the, mangalvaar ko unke saath meeting se kuchh samay pehle paarikh ne ikanaumik times ko bataaya, 'Ham gold par spekulet naheen karte. . . Hamaare kastamars paisa dene mein deri kar rahe hain. ' unhonne ummeed jataai ki bhaarateeya bank company ko support kareinge aur vah saare vaade poori karegi. Standard bank ko elasi bhunaane se rokane ke liye company ne Bombay haai court mein arji daakhil ki hai.