Gohatya Ke Aaropiyon Par NSA Lagaae Jaane Par Digvijya Singh Ne Savaal Uthaae

India »

Gohatya Ke Aaropiyon Par NSA Lagaae Jaane Par Digvijya Singh Ne Savaal Uthaae

Raajagadh/Bhopal Madhya pradesh ke khandava jile mein gohatya ke aarop mein teen logon par raashtreeya suraksha adhiniyam (NSA) ke tahat ki gayi kaarravaai par poorv mukhyamantri digvijya Singh ne savaal uthaae hain. Unhonne kaha hai ki govadh par NSA naheen lagani chaahiye. Khandava mein pichhle dinon teen logon par hui NSA ki kaarravaai ko lekar Singh ne kaha, 'Aaropiyon par gohatya ke liye bane kaanoon ke tahat kaarravaai ki jaana chaahiye thi, NSA naheen lagana chaahiye tha. ' khandava jile ke moghat thaane ke kharakhaali gaanv mein gohatya ke maamale mein pakade gaye teen aaropiyon ke khilaaf NSA ki kaarravaai ki gayi hai. Teen aaropiyon mein se do ko beete shukravaar aur ek ko somvaar ko pakada gaya tha. Teenon aaropiyon- nadeem, uske bhaai shakeel tatha aajam par NSA ki kaarravaai ki gayi hai. Teenon jail mein hain. Police ke anusaar, nadeem aadatan aparaadhi hai aur kai vaaradaaton ko anjaam de chuka hai. Us par poorv mein bhi gohatya ka aarop lag chuka hai. Police ko saampradaayik maahaul bigdane ki aashanka thi, jiske chalte police ne yeh kaarravaai ki thi. Pradesh mein Congress ki Kamalnath sarkaar aane ke baad gohatya ke maamale mein NSA ki yeh pehli kaarravaai hai. Ram mandir nirmaan ko lekar poochhe gaye savaal par Singh ne kaha ki Congress ne Ram mandir ka to kabhi virodh kiya naheen. Congress sabhi dharmon ka sammaan karti hai. Congress dharm ke naam par na to vote maangati hai aur na hi chanda vasoolati hai.

Gohatya Ke Aaropiyon Par NSA Lagaae Jaane Par Digvijya Singh Ne Savaal Uthaae https://www.angrejinews.com/pic/253242