Godse Ko Hindu Aatanki Bataane Ke Baad Bole Kamal Hassan,'Vahi Kaha Jo Aitihaasik Sach Tha

Breaking »

Godse Ko Hindu Aatanki Bataane Ke Baad Bole Kamal Hassan,'Vahi Kaha Jo Aitihaasik Sach Tha

Chennai Nathuram Godse ko aajaad Bhaarat ka pehla aatanki bataae jaane ke bayaan par vivaadon mein ghire makkal needhi mayyam ke sansthaapak kamal Hassan ne Budhvaar ko kaha ki unhonne vahi kaha hai jo ek aitihaasik sach tha. Filmi duniya se raajaneeti mein aae Hassan ne apne virodhiyon se bas 'Vaidh aarop' lagaane ko kaha hai aur poochha ki raajaneeti mein kadam rakhane ke baad kya vah samaaj ke bas ek hi tabake ki baat karein. Bata dein ki Godse ke bayaan ke baad tamaam hindu sangathanon aur bhaarateeya janta party ne iski aalochna ki thi. Apne bayaan par chhide vivaad ke beech unhonne madurai ke sameep tiroopurakundaram mein chunaav prachaar ke dauraan kaha, 'Mainne aravaakurichi mein jo kuchh kaha, usase ve naaraaj ho gaye. Mainne jo kuchh kaha hai vah aitihaasik sach hai. Main kisi ko jhagade ke liye naheen ukasaata. ' unhonne kaha ki sach vijayi rahata hai aur maine aitihaasik sach kaha hai. ' Hassan ne aarop lagaaya ki unke bhaashan ko chuninda dhang se sanpaadit kiya gaya . Unhonne yeh kehte hue virodhiyon par nishaana saadha ki unke khilaaf lagaaye gaye aarop ke liye hamaare media ke dost bhi jimmedaar hain. BJP ne poochha,'Kiske ukasaane par Hassan ne uthaaya Gandhi ki hatya ka mudda' Meri beti bhi hindu dharm ko maanati hai: Hassan Unhonne kaha ki kya unke aalochak unke bayaan mein aisa kuchh dikha sakte hain jo hinsa bhadke aur kaha ki unke khilaaf lage aaropon se unhein peeda pahunchi hai. Unhonne kaha, 'Ve kah rahe hain ki mainnein hindu bhaavanaaon ko thes pahunchaaya. Mere parivaar mein bhi kai hindu hain. Meri beti bhi hindu dharm ko maanati hai. ' bata dein ki abhineta se neta bane kamal Hassan ne mangalvaar ko ek vivaadaaspad bayaan dete hue kaha tha ki aajaad Bhaarat ka pehla aatankvaadi hindu tha. Mahaatma Gandhi ke hatyaare Nathuram Godse ki or ishaara karte hue Hassan ne kaha ki vah ek hindu aatanki tha.

Godse Ko Hindu Aatanki Bataane Ke Baad Bole Kamal Hassan,'Vahi Kaha Jo Aitihaasik Sach Tha https://www.angrejinews.com/pic/274807